Thalapathy Vijay: ʼಲಿಯೋʼ ಟ್ರೇಲರ್‌‌ ರಿಲೀಸ್‌ಗೆ ಡೇಟ್‌ ಫಿಕ್ಸ್; ಫ್ಯಾನ್ಸ್‌ ಖುಷ್

ಚೆನ್ನೈ: ದಳಪತಿ ವಿಜಯ್‌ ಅವರ ʼಲಿಯೋʼ ಸಿನಿಮಾ ರಿಲೀಸ್‌ ಗೆ ಡೇಟ್‌ ಸಮೀಪಿಸುತ್ತಿದೆ. ಆಡಿಯೋ ಬಿಡುಗಡೆ ರದ್ದು ಆಗಿದ್ದರಿಂದ ಹತಾಶರಾಗಿದ್ದ ಅಭಿಮಾನಿಗಳಿಗೆ ʼಲಿಯೋʼ ತಂಡ ಒಂದರ ಮೇಲೊಂದು ಅಪ್ಡೇಟ್‌ ಗಳನ್ನ ನೀಡಿ ಸರ್ಪ್ರೈಸ್‌ ನೀಡುತ್ತಿದೆ.

ಮೊನ್ನೆಯಷ್ಟೇ ʼಲಿಯೋʼ ಸಿನಿಮಾದ 2ನೇ ಹಾಡು ‘Badass’ (ಬ್ಯಾಡಸ್) ರಿಲೀಸ್‌ ಆಗಿತ್ತು. ಇದೀಗ ಸಿನಿಮಾದ ಟ್ರೇಲರ್‌ ರಿಲೀಸ್‌ ಡೇಟನ್ನು ಸಿನಿಮಾ ತಂಡ ರಿವೀಲ್‌ ಮಾಡಿದೆ.

“ನಿಮ್ಮ ಆರ್ಡರ್‌ ನ್ನು ಸಿದ್ದಪಡಿಸಲಾಗುತ್ತಿದೆ..” ಎಂದು 7 ಸ್ಕ್ರೀನ್ ಸ್ಟುಡಿಯೋ ʼಲಿಯೋʼ ಸಿನಿಮಾದ ಟ್ರೇಲರ್‌ ಇದೇ ಅಕ್ಟೋಬರ್‌ 5 ರಂದು ರಿಲೀಸ್‌ ಆಗಲಿದೆ ಎಂದು ಹೇಳಿದೆ.

ಇತ್ತೀಚೆಗೆ ಭಾರೀ ಜನಸಂಖ್ಯೆ ಸೇರುವ ನಿರೀಕ್ಷೆಯಿದ್ದ ʼಲಿಯೋʼ ಆಡಿಯೋ ಬಿಡುಗಡೆ ಕಾರ್ಯಕ್ರಮವನ್ನು ಕೊನೆ ಕ್ಷಣದಲ್ಲಿ ಚಿತ್ರತಂಡ ರದ್ದು ಮಾಡಿತ್ತು. ಇದು ರಾಜಕೀಯ ಒತ್ತಡದ ಪ್ರಭಾವವೆಂದು ಕೆಲವರು ಆಕ್ರೋಶ ವ್ಯಕ್ತಪಡಿಸಿದ್ದರು.

ಲೋಕೇಶ್‌ ಕನಕರಾಜ್‌ ನಿರ್ದೇಶನದ ʼಲಿಯೋʼ ಚಿತ್ರದ ಬಗ್ಗೆ ದೊಡ್ಡ ನಿರೀಕ್ಷೆಯಿದ್ದು, ದಳಪತಿ ವಿಜಯ್ ಯೊಂದಿಗೆ ತ್ರಿಶಾ, ಮತ್ತು ಸಂಜಯ್ ದತ್ ,ಅರ್ಜುನ್ ಸರ್ಜಾ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದು,ಗೌತಮ್ ವಾಸುದೇವ್ ಮೆನನ್, ಮಿಸ್ಕಿನ್, ಪ್ರಿಯಾ ಆನಂದ್ ಮತ್ತು ಮನ್ಸೂರ್ ಅಲಿ ಖಾನ್ ಪೋಷಕ ಪಾತ್ರಗಳಲ್ಲಿ ನಟಿಸಿದ್ದಾರೆ.

ಇದೇ ತಿಂಗಳು (ಅಕ್ಟೋಬರ್‌ 19) ಸಿನಿಮಾ ರಿಲೀಸ್‌ ಆಗಲಿದೆ.