ಥಾಯ್‌ ಜುಂಟಾದಿಂದ ರಾಜಕೀಯ ಪ್ರಚಾರಾಭಿಯಾನ ನಿಷೇಧ ತೆರವು

ಬ್ಯಾಂಕಾಕ್‌ : ಥಾಯ್‌ಲ್ಯಾಂಡ್‌ನ‌ ಜುಂಟಾ 2019ರ ಚುನಾವಣೆಗಳ ರಾಜಕೀಯ ಪ್ರಚಾರಾಭಿಯಾನಕ್ಕೆ ವಿಧಿಸಿದ್ದ ನಿಷೇಧವನ್ನು ತೆರವುಗೊಳಿಸಿದೆ.

ಈ ಸಂಬಂಧದ ಆದೇಶವನ್ನು ಇಂದು ಮಂಗಳವಾರ ರಾಯಲ್‌ ಗಜೆಟ್‌ ಪ್ರಕಟಿಸಿದೆ. 

ರಾಜಕೀಯ ಪಕ್ಷಗಳು ಈಗಿನ್ನು ತಮ್ಮ ನೀತಿಗಳನ್ನು ಸಾದರಪಡಿಸುವ ಅಭಿಯಾನವನ್ನು ಆರಂಭಿಸಬಹುದಾಗಿದೆ. ಇದರೊಂದಿಗೆ ಫೆ.24ರಂದು ನಡೆಸಲು ಉದ್ದೇಶಿಸಲಾಗಿದ್ದ ಚುನಾವಣಾ ಪ್ರಕ್ರಿಯೆಗಳು ತತ್‌ಕ್ಷಣದಿಂದ ಜಾರಿಗೆ ಬರುತ್ತವೆ ಎಂದು ಪ್ರಕಟನೆ ತಿಳಿಸಿದೆ.