Test; ಬಾಂಗ್ಲಾದೇಶ ವಿರುದ್ಧ ಸೇಡು ತೀರಿಸಿಕೊಂಡ ನ್ಯೂಜಿಲ್ಯಾಂಡ್‌

ಮಿರ್ಪುರ್‌ (ಬಾಂಗ್ಲಾದೇಶ): ಮಿರ್ಪುರ್‌ ಟೆಸ್ಟ್‌ ಪಂದ್ಯದಲ್ಲಿ ಬಾಂಗ್ಲಾದೇಶವನ್ನು 4 ವಿಕೆಟ್‌ಗಳಿಂದ ಕೆಡವಿದ ನ್ಯೂಜಿಲ್ಯಾಂಡ್‌ ಸರಣಿಯನ್ನು 1-1 ಸಮಬಲದಲ್ಲಿ ಮುಗಿಸಲು ಯಶಸ್ವಿಯಾಗಿದೆ.

8 ರನ್‌ ಹಿನ್ನಡೆಗೆ ಸಿಲುಕಿದ ಬಳಿಕ ದ್ವಿತೀಯ ಇನ್ನಿಂಗ್ಸ್‌ ಆರಂಭಿಸಿದ ಬಾಂಗ್ಲಾ, 4ನೇ ದಿನದಾಟದಲ್ಲಿ 144ಕ್ಕೆ ಸರ್ವಪತನ ಕಂಡಿತು. ಅಜಾಜ್‌ ಪಟೇಲ್‌ 6, ಸ್ಯಾಂಟ್ನರ್‌ 3 ವಿಕೆಟ್‌ ಹಾರಿಸಿದರು. ಗೆಲುವಿಗೆ 137 ರನ್‌ ಗುರಿ ಪಡೆದ ನ್ಯೂಜಿಲ್ಯಾಂಡ್‌ 6ಕ್ಕೆ 139 ರನ್‌ ಬಾರಿಸಿತು. ಮೊದಲ ಟೆಸ್ಟ್‌ ಪಂದ್ಯವನ್ನು ಬಾಂಗ್ಲಾದೇಶ 150 ರನ್ನುಗಳಿಂದ ಗೆದ್ದಿತ್ತು.

ಮಿರ್ಪುರ್‌ ಟೆಸ್ಟ್‌ ಪಂದ್ಯದ ದ್ವಿತೀಯ ದಿನದಾಟ ಮಳೆಯಿಂದ ಸಂಪೂರ್ಣ ನಷ್ಟವಾಗಿತ್ತು. ಆದರೂ ಈ ಟೆಸ್ಟ್‌ ಎರಡೂವರೆ ದಿನಗಳಲ್ಲೇ ಫ‌ಲಿತಾಂಶ ತಂದುಕೊಟ್ಟಿತು.