ಕಾಶ್ಮೀರ: ಕ್ಯಾಂಪ್‌ಗೆ ನುಗ್ಗಿ ಅಡಗಿರುವ ಉಗ್ರರು;ಯೋಧ ಹುತಾತ್ಮ

ಶ್ರೀನಗರ: ಶಸ್ತ್ರಧಾರಿ ಉಗ್ರರ ಗುಂಪೊಂದು ಶನಿವಾರ ಜಮ್ಮು ಮತ್ತು ಕಾಶ್ಮೀರದ ಸುಜುವಾನ್‌ ಪ್ರದೇಶದಲ್ಲಿರುವ ಸೇನಾ ಕ್ಯಾಂಪ್‌ಗೆ ನುಗ್ಗಿ ಅಟ್ಟಹಾಸ ಮೆರೆದಿದ್ದಾರೆ. ದಾಳಿಯಲ್ಲಿ ಓರ್ವ ಸೈನಿಕ ಹುತಾತ್ಮರಾಗಿದ್ದು , ಇನ್ನಿಬ್ಬರು  ಸೈನಿಕರು ಮತ್ತು ಸಿಬಂದಿಯ ಪುತ್ರಿಯೋರ್ವಳು ಗಂಭೀರವಾಗಿ ಗಾಯಗೊಂಡಿರುವ ಬಗ್ಗೆ ವರದಿಯಾಗಿದೆ. 

ಜಮ್ಮು ಪಠಾಣ್‌ಕೋಟ್‌ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಈ  ಕ್ಯಾಂಪ್‌ ಇದ್ದು , ಮೂವರಿಂದ ನಾಲ್ವರು ಉಗ್ರರು ಮನೆಯೊಂದರಲ್ಲಿ ಅಡಗಿರುವ ಸಾಧ್ಯತೆಗಳಿದ್ದು ಕ್ಷಿಪ್ರ ಕಾರ್ಯಾಚರಣೆ ಪಡೆಗಳು ಉಗ್ರರಿಗಾಗಿ ತೀವ್ರ ಕಾರ್ಯಾಚರಣೆ ನಡೆಸುತ್ತಿದ್ದಾರೆ.ಕಾರ್ಯಾಚರಣೆಗೆ ಡ್ರೋನ್‌ ಕ್ಯಾಮರಾಗಳು , ಹೆಲಿಕ್ಯಾಪ್ಟರ್‌ಗಳನ್ನು ಬಳಸಿಕೊಳ್ಳಲಾಗಿದೆ. 

ನಸುಕಿನ 5ಗಂಟೆಯ ವೇಳೆ ಉಗ್ರರು ನುಸುಳಿದ್ದಾರೆ ಎಂದು ಹೇಳಲಾಗಿದೆ. 

ಅಫ್ಜಲ್‌ ಗುರುವನ್ನು ಗಲ್ಲಿಗೇರಿಸಿದ ದಿನವಾದ ಫೆಬ್ರವರಿ 9 ರಂದು ಪ್ರತೀಕಾರವಾಗಿ ದಾಳಿ ಗೆ ಸಂಚು ನಡೆಸಲಾಗಿದೆ ಎಂದು ಹೇಳಲಾಗಿದೆ.