ಜಮ್ಮು ಕಾಶ್ಮೀರ : ಉಗ್ರ ದಾಳಿ ಗಾಯಾಳು ಆರ್‌ಎಸ್‌ಎಸ್‌ ನಾಯಕ ಶರ್ಮಾ ಸಾವು

ಕಿಷ್‌ತ್‌ವಾರ್‌, ಜಮ್ಮು ಕಾಶ್ಮೀರ : ಉಗ್ರ ದಾಳಿಯಲ್ಲಿ ಗಂಭೀರ ಗುಂಡೇಟು ಪಡೆದಿದ್ದ ಆರ್‌ಎಸ್‌ಎಸ್‌ ನಾಯಕ ಚಂದ್ರಕಾಂತ್‌ ಶರ್ಮಾ ಅವರು ಜಮ್ಮು ಕಾಶ್ಮೀರ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಫ‌ಲಿಸದೆ ಕೊನೆಯುಸಿರೆಳೆದಿರುವುದಾಗಿ ವರದಿಗಳು ದೃಢಪಡಿಸಿವೆ.

ಶರ್ಮಾ ಅವರು ಇಂದು ಮಂಗಳವಾರ ತನ್ನ ಖಾಸಗಿ ಭದ್ರತಾ ಅಧಿಕಾರಿಯ ಜತೆಗೆ ಆರೋಗ್ಯ ಕೇಂದ್ರಕ್ಕೆ ಹೋಗಿದ್ದಾಗ ಅವರ ಚಲನವಲನ ಗಮನಿಸುತ್ತಿದ್ದ ಉಗ್ರ ಗುಂಡಿನ ದಾಳಿ ನಡೆಸಿದ್ದ. ಶರ್ಮಾ ಅವರ ಭದ್ರತಾ ಅಧಿಕಾರಿ ಒಡನೆಯೇ ಮೃತಪಟ್ಟಿದ್ದರು. ತೀವ್ರ ಗಾಯಗೊಂಡಿದ್ದ ಶರ್ಮಾ ಆಸ್ಪತ್ರೆಗೆ ದಾಖಲಾಗಿದ್ದರು.

ಶರ್ಮಾ ಅವರು ಆಸ್ಪತ್ರೆಯಲ್ಲಿ ಕೊನೆಯುಸಿರೆಳೆದಿರುವುದನ್ನು ಬಿಜೆಪಿ ವಕ್ತಾರ ಸುನೀಲ್‌ ಸೇಟಿ ದೃಢಪಡಿಸಿದ್ದಾರೆ.