ಟೆನಿಸ್‌ನಲ್ಲಿ  ಮ್ಯಾಚ್‌ಫಿಕ್ಸಿಂಗ್‌: ಬೆಲ್ಜಿಯಂನಲ್ಲಿ 13 ಮಂದಿ ಬಂಧನ

ಬ್ರುಸೆಲ್ಸ್‌: ಟೆನಿಸ್‌ನಲ್ಲಿ ನಡೆದಿದೆ ಎನ್ನಲಾದ ಮ್ಯಾಚ್‌ ಫಿಕ್ಸಿಂಗ್‌ ಕುರಿತು ಅಂತಾರಾಷ್ಟ್ರೀಯ ಮಟ್ಟದಲ್ಲಿ ತನಿಖೆ ನಡೆಸುತ್ತಿರುವ ಬೆಲಿcಯಂ ಪೊಲೀಸರು ಮಂಗಳವಾರ 13 ಮಂದಿಯನ್ನು ಬಂಧಿಸಿದ್ದಾರೆ. 

ಕ್ರೀಡೆಯ ಕೆಳಗಿನ ಮಟ್ಟದಲ್ಲಿ ಭ್ರಷ್ಟಾಚಾರ ನಡೆದಿದೆ ಎಂದು ತಿಂಗಳ ಹಿಂದೆ ವರದಿಯೊಂದು ಎಚ್ಚರಿಕೆ ನೀಡಿತ್ತು. ಈ ಸಂಬಂಧ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ತನಿಖೆ ನಡೆಸಲಾಗುತ್ತಿದೆ. ಬೆಲ್ಜಿಯಂ ಸಹಿತ ಅಮೆರಿಕ, ಜರ್ಮನಿ, ಫ್ರಾನ್ಸ್‌, ಬಲ್ಗೇರಿಯ ಮತ್ತು ಹಾಲೆಂಡ್‌ನ‌ಲ್ಲಿ ಏಕಕಾಲದಲ್ಲಿ ದಾಳಿ ನಡೆಸಲಾಗಿದೆ. ಪಂದ್ಯವನ್ನು ಕೈಚೆಲ್ಲಲು ಅಮೆರಿಕ-ಬೆಲಿcಯಂ ಕ್ರಿಮಿನಲ್‌ ನೆಟ್‌ವರ್ಕ್‌ ಆಟಗಾರರಿಗೆ ಲಂಚದ ಆಮಿಷ ನೀಡಿರುವ ಆರೋಪದ ಕುರಿತು ಅಂತಾರಾಷ್ಟ್ರೀಯ ಮಟ್ಟದಲ್ಲಿ ತನಿಖೆ ನಡೆಯುತ್ತಿದೆ. ಇದೇ ಕಾರಣಕ್ಕಾಗಿ ಎಲ್ಲ ಕಡೆ ದಾಳಿ ನಡೆಸಲಾಗಿದೆ.