Advertisement
ಚೋಳರ ರಾಜ್ಯಭಾರದ ಸಮಯದಲ್ಲಿ ಸರಿಸುಮಾರು ಒಂಬತ್ತನೇ ಶತಮಾನದಿಂದ ಟೆಂಪಲ್‌ ಜ್ಯುವೆಲ್ಲರಿ ಪ್ರಸಿದ್ಧಿಗೆ ಬಂತು. ಕೃಷ್ಣ ದೇವರಾಯನ ಕಾಲದಲ್ಲಿಯೂ ಪ್ರಸಿದ್ಧ ಚಿನ್ನದ ಕುಸುರಿಕಾರರು ದೇವ-ದೇವಿಯರಿಗೆ ಮಾತ್ರವಲ್ಲದೇ ರಾಜ-ರಾಣಿಯರಿಗೆ, ಆಡಳಿತದ ಮತ್ತು ಅರಮನೆಯ ಪ್ರಮುಖ ಮಂದಿಗೆ ಟೆಂಪಲ್‌ ಜ್ಯುವೆಲ್ಲರಿಯನ್ನು ತಯಾರಿಸಿ ನೀಡಿದ್ದಾರೆ. ಮೂರು ಸಾವಿರ ವರ್ಷದ ಸಾಂಪ್ರದಾಯಿಕ ಮಹತ್ವವನ್ನು ಹೊಂದಿರುವ ಟೆಂಪಲ್‌ ಜ್ಯುವೆಲ್ಲರಿ ತಮಿಳುನಾಡಿನ ಮತ್ತು ದಕ್ಷಿಣ ಭಾರತದ ದೇವಾಲಯಗಳಲ್ಲಿ ಮನೆಮನೆಗಳಲ್ಲಿ ಇಂದೂ ಪ್ರಸಿದ್ಧ.
Related Articles
ಕುಸುಮಾಲಾ (ಕಸುಲಪೆರು) ಎಂದು ಕರೆಯಲ್ಪಡುವ ಹಾರದಲ್ಲಿ ಉದ್ದ ನೆಕ್ಲೇಸ್‌ನಂತಿದ್ದು, ಎರಡು ಲೇಯರ್‌ಗಳಿದ್ದು ಲಕ್ಷ್ಮಿಯ ಚಿತ್ತಾರವುಳ್ಳ ಕುಸುರಿ ಕಲೆಯ ಪೆಂಡೆಂಟ್‌ನ ಅಂದ ಚಿತ್ತಾಕರ್ಷಕವಾಗಿದೆ. ಇದು ವಜ್ರ, ಚಿನ್ನದ ಹರಳುಗಳಿಂದ ವೈಭವೋಪೇತವಾಗಿರುತ್ತದೆ.
Advertisement
ಮಂಗಮಾಲೈ (ಮಾವಿನ ಚಿತ್ತಾರದ ಹಾರ): ಮಾವಿನ ಹಣ್ಣಿನ ಕುಸುರಿ ಕಲೆಯುಳ್ಳ ಉದ್ದ ಹಾರವೇ ಮಂಗಮಾಲೈ. ಇದು ಅಷ್ಟೊಂದು ವೈಭವದ ಆಭರಣವಲ್ಲ. ಮದುವೆಯ ಬಳಿಕ ಇತರ ಸಮಾರಂಭಗಳಲ್ಲೂ ಬಳಸಲು ಮುಖ್ಯವಾಗಿ ಕಾಂಜೀವರಂ ಸೀರೆಯ ಮೇಲೆ ಅಂದವಾಗಿ ರಾರಾಜಿಸುತ್ತದೆ.
ವಡ್ಡನಂ (ಕಮರ್‌ಬಂದ್‌): ಸೊಂಟಪಟ್ಟಿಯ ಮಧ್ಯದಲ್ಲಿ ಕಮಲದ ಹೂವಿನಲ್ಲಿ ಕುಳಿತ ಲಕ್ಷ್ಮೀ ದೇವಿಯ ಚಿತ್ತಾರವಿದ್ದು ಸುತ್ತಲೂ ವಿವಿಧ ಕುಸುರಿ ಕಲೆಯ ಸೊಬಗಿರುತ್ತದೆ.
ವಂಕಿ ಅಥವಾ ಬಾಜೂಬಂಧ: ಮದುವೆಯ ದಿನ ಸೊಂಟಪಟ್ಟಿಯಂತೆ ರಾರಾಜಿಸುವ ಇನ್ನೊಂದು ಆಭರಣವೆಂದರೆ ವಂಕಿ ಹಾಗೂ ವಿವಿಧ ಹರಳುಗಳಿರುವ ವಂಕಿ. ಇದು ಬಲು ಸುಂದರ.
ಬಳೆ: ಕಾಂಜೀವರಂ ಅಥವಾ ಸಿಲ್ಕ್ ಸೀರೆಯ ಜೊತೆಗೆ ಹೊಂದುವ ಬಣ್ಣದ ಬಳೆಗಳು ಕೈತುಂಬಾ ಝಗಮಗಿಸುತ್ತಿದ್ದರೆ, ಮದುಮಗಳ ಮದರಂಗಿಯುಕ್ತ ಕೈಯ ಸೊಬಗೇ ವಿಶಿಷ್ಟ. ಟೆಂಪಲ್‌ ಬ್ಯಾಂಗಲ್‌ಗ‌ಳು ಭಾರವಾಗಿರುವಂತಹವು!
ಝುಮಕಿ: ವಿವಿಧ ಆಕಾರಗಳ ಝುಮಕಿ ಬಲು ಚಂದ. ಟೆಂಪಲ್‌ ಜ್ಯುವೆಲ್ಲರಿಯ ಝಮಕಿಗಳಲ್ಲಿ ದೇವರ ಚಿತ್ತಾರವಿರುತ್ತದೆ.
ಮಾಂಗಟೀಕಾ (ಬೈತಲೆಯ ಆಭರಣಗಳು) (ನೇತಿ ಚುಟ್ಟಿ):ಈ ಆಭರಣವಿಲ್ಲದೆ ಮದುಮಗಳ ಸಿಂಗಾರ ಅಪೂರ್ಣ. ದೊಡ್ಡ ದೇವಿಯ ಪೆಂಡೆಂಟ್‌ಗಳ ಜೊತೆಗೆ, ಸಣ್ಣ ಸಣ್ಣ ಪೆಂಡೆಂಟ್‌ಗಳೂ ಹಾರದಲ್ಲಿ ಪೋಣಿಸಿಕೊಂಡು ಬೈತಲೆಯನ್ನು ಅಲಂಕರಿಸುತ್ತವೆ. ಜಡೆಬಿಲ್ಲಾ: ಜಡೆಯನ್ನು ಅಲಂಕರಿಸಲು ಹೂವಿನ ಜೊತೆ ಬಳಸುವ ಆಭರಣವೇ ಜಡೆಬಿಲ್ಲಾ. ಟೆಂಪಲ್‌ ಜ್ಯುವೆಲ್ಲರಿ ಈಗಿನ ಹೊಸ ಟ್ರೆಂಟ್‌ ಆಗಿದೆ. ಡಾ| ಅನುರಾಧಾ ಕಾಮತ್‌