ಭಾರತೀಯ ವಿಮಾನ ಪ್ರಯಾಣಿಕರಿಗೆ ಶೀಘ್ರವೇ ವೈಫೈ ಸೌಕರ್ಯ

ಹೊಸದಿಲ್ಲಿ : ಭಾರತೀಯ ವಿಮಾನ ಪ್ರಯಾಣಿಕರಿನ್ನು ವಿಮಾನ ಹಾರಾಟದ ವೇಳೆ  ವೈಫೈ ಸಂಪರ್ಕ ಸೌಕರ್ಯವನ್ನು ಆನಂದಿಸುವ ದಿನಗಳು ಶೀಘ್ರವೇ ಬರಲಿವೆ.

ನಾಗರಿಕ ವಾಯುಯಾನ ಸಚಿವ ಸುರೇಶ್‌ ಪ್ರಭು ಅವರು ಟೆಲಿಕಾಂ ಆಯೋಗದ ನಿರ್ಧಾರವನ್ನು ಪ್ರಕಟಿಸುತ್ತಾ, “ಭಾರತೀಯ ಆಗಸದಲ್ಲಿನ್ನು ರೋಮಾಂಚಕ ದಿನಗಳು ಬರಲಿವೆ; ಟೆಲಿಕಾಂ ಆಯೋಗ ಭಾರತೀಯ ವಾಯು ಪ್ರದೇಶ ವ್ಯಾಪ್ತಿಯೊಳಗೆ ವಿಮಾನ ಪ್ರಯಾಣಿಕರಿಗೆ ಡಾಟಾ ಮತ್ತು ವಾಯ್ಸ ಸೇವಾ ಸೌಕರ್ಯ ಒದಗಿಸುವುದಕ್ಕೆ ಅನುಮತಿ ನೀಡಿದೆ’ ಎಂದು ಹೇಳಿದ್ದಾರೆ. 

ಈ ನೂತನ ಸೌಕರ್ಯವು ಆದಷ್ಟು ಬೇಗನೆ ಜಾರಿಗೆ ಬರುವಂತೆ ಮಾಡಲಾಗುವುದು ಎಂದಿರುವ ಸಚಿವ ಪ್ರಭು, ವಿಮಾನ ಪ್ರಯಾಣಿಕರ ಸೌಕರ್ಯಗಳನ್ನು ಹೆಚ್ಚಿಸುವುದಕ್ಕೆ, ಅವರ ವಿಮಾನ ಪ್ರಯಾಣವನ್ನು ಸುಖಮಯಗೊಳಿಸುವುದಕ್ಕೆ  ಕೇಂದ್ರ ಸರಕಾರ ಬದ್ಧವಿದೆ ಎಂದು ಹೇಳಿದರು.