ಮೂರು ದಿನಗಳಿಂದ ಬಂಡೆಗಳೆಡೆಯಲ್ಲಿ ಬಿದ್ದವನ ರಕ್ಷಣೆ

ಹೈದರಾಬಾದ್‌: ತೆಲಂಗಾಣದ ಕಾಮರೆಡ್ಡಿ ಜಿಲ್ಲೆಯಲ್ಲಿ ಮೂರು ದಿನಗಳಿಂದ ಬಂಡೆಕಲ್ಲುಗಳ ಎಡೆಯಲ್ಲಿ ಸಿಲುಕಿದ್ದ ಸಿ.ರಾಜು ಎಂಬಾತನನ್ನು ಗುರುವಾರ ರಕ್ಷಿಸಲಾಗಿದೆ.

ರೆಡ್ಡಿಪೇಟ ಗ್ರಾಮಕ್ಕೆ ಸೇರಿದ ಈ ವ್ಯಕ್ತಿ ಮಂಗಳವಾರ ಅರಣ್ಯಕ್ಕೆ ಬೇಟೆಗಾಗಿ ತೆರಳಿದ್ದ. ಪ್ರಾಣಿಗಳನ್ನು ಹುಡುಕುತ್ತಾ ತೆರಳಿದ್ದ ರಾಜು ಎರಡು ಬೃಹತ್‌ ಬಂಡೆಗಳ ಎಡೆಗೆ ಜಾರಿ ಸಿಲುಕಿದ್ದ. ಮೊಬೈಲ್‌ ತೆಗೆಯುವ ಸಂದರ್ಭದಲ್ಲಿ ಈ ಫ‌ಜೀತಿ ಉಂಟಾಗಿದೆ. ಆತನ ಜತೆಗೆ ಇದ್ದ ಸ್ನೇಹಿತ ಕುಟುಂಬ ಸದಸ್ಯರು ಮತ್ತು ಪೊಲೀಸರಿಗೆ ಮಾಹಿತಿ ನೀಡಿದ್ದ.

ಹೀಗಾಗಿ, ಬುಧವಾರದಿಂದ ಕಾರ್ಯಾಚರಣೆ ನಡೆಸಲಾಗುತ್ತಿತ್ತು. ಆಹಾರವಿಲ್ಲದೆ ಬಳಲಿದ್ದ ಆತನನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ.