Telangana: ಉದ್ಯೋಗ ಕಳೆದು ಕೊಂಡವರಿಗೆ ನೆರವು

ಹೈದರಾಬಾದ್‌: ಇತರ ದೇಶಗಳಿಂದ ಕೆಲಸ ಕಳೆದುಕೊಂಡು ತವರು ರಾಜ್ಯಕ್ಕೆ ಬರುವವರಿಗೆ ನೆರವಾಗುವ ನಿಟ್ಟಿನಲ್ಲಿ ವಿಶೇಷ ನಿಯಮ ಹೊಂದಲು ತೆಲಂಗಾಣ ಮುಂದಾಗಿದೆ. ಅಂತಾರಾಷ್ಟ್ರೀಯ ಕಾರ್ಮಿಕ ಸಂಘಟನೆ (ಐಎಲ್‌ಒ) ಜತೆಗೂಡಿ ತೆಲಂಗಾಣದ ಕಾರ್ಮಿಕ ಇಲಾಖೆ ಈ ನಿಯಮಗಳನ್ನು ರೂಪಿಸಲಿದೆ.

ಇಂಥ ನಿಯಮಗಳನ್ನು ಹೊಂದಲಿರುವ ದೇಶದ ಮೊದಲ ರಾಜ್ಯ ಎಂಬ ಖ್ಯಾತಿಗೂ ಅದು ಪಾತ್ರವಾಗಲಿದೆ. ಈ ಕೇಂದ್ರಕ್ಕೆ ವಿಶ್ವಸಂಸ್ಥೆ, ಅಂತಾರಾಷ್ಟ್ರೀಯ ವಲಸೆ ಸಂಘ ಟನೆಯೂ ನೆರವು ನೀಡಲಿದೆ. ಹೈದರಾಬಾದ್‌ನಲ್ಲಿ ಅವರಿಗೆ ಉದ್ಯೋಗ ನೀಡುವ ಬಗ್ಗೆ ಸಲಹಾ ಸಂಸ್ಥೆಯೊಂದನ್ನು ಸ್ಥಾಪಿಸಲಾಗುತ್ತದೆ. ದಕ್ಷಿಣ ಏಷ್ಯಾದಲ್ಲಿ ನೇಪಾಳ ಮತ್ತು ಪಾಕಿಸ್ತಾನ ಮಾತ್ರ ಇಂಥ ನಿಯಮ ಜಾರಿಗೊಳಿಸಿದ ರಾಷ್ಟ್ರಗಳಾಗಿವೆ.