Advertisement
ಅವರು ಮಂಗಳೂರಿನ ಎಂರಿಸಲ್ಟ್ ಸರ್ವಿಸಸ್‌ ಪ್ರೈ. ಸಂಸ್ಥೆಯ ಉದ್ಯೋಗಿ ಬಂಟ್ವಾಳ ಮೂಲದ ಅರ್ಜುನ್‌ ಭಂಡಾರ್ಕರ್‌. ತಂದೆಯ ಅನಾರೋಗ್ಯದ ಸಂದರ್ಭ ಹಣ ಹೊಂದಿಸಲು ಅನುಭವಿಸಿದ ಕಷ್ಟವೇ ಬಡ ರೋಗಿಗಳಿಗೆ ನೆರವಾಗುವತ್ತ ಅವರನ್ನು ಮುನ್ನುಗ್ಗುವಂತೆ ಮಾಡಿತು. ಪರಿಚಿತರಿಂದ ತಲಾ 100 ರೂ.ಗಳಂತೆ ಸಂಗ್ರಹಿಸಿ ವರ್ಷಕ್ಕೆ ಆರು ಮಂದಿ ಬಡ ರೋಗಿ ಗಳಿಗೆ ನೆರವಾಗುವ ಯೋಜ ನೆಯನ್ನು ಮೊದಲಿಗೆ ಹಾಕಿ ಕೊಂಡಿ ದ್ದರು. ಬಳಿಕ ಆನ್‌ಲೈನ್‌ ಫಂಡ್‌ ರೈಸಿಂಗ್‌ ತಾಣಗಳ ಮೊರೆ ಹೊಕ್ಕರು. ಮೊದಲ ಪ್ರಕರಣದಲ್ಲೇ ರೋಗಿಗೆ 2.5 ಲಕ್ಷ ರೂ.ಗಳನ್ನು ಸಂಗ್ರಹಿಸಿ ಕೊಡಲು ಸಾಧ್ಯವಾಯಿತು.
ಅನಾರೋಗ್ಯದ ಗಂಭೀರತೆ, ಮನೆಯ ಪರಿಸ್ಥಿತಿ, ವೈದ್ಯರ ಪ್ರಮಾಣಪತ್ರಗಳನ್ನು ಪರಿಶೀಲಿಸಿದ ಬಳಿಕ ಮಾಹಿತಿಯನ್ನು ಫಂಡ್‌ ರೈಸರ್‌ಗಳಿಗೆ ಕಳುಹಿಸಿಕೊಡಲಾಗುತ್ತದೆ. ಅಗತ್ಯವಿರುವಷ್ಟು ನೆರವು ಸಂಗ್ರಹವಾದ ಕೂಡಲೇ ಸ್ಥಗಿತಗೊಳಿಸಲಾಗುತ್ತದೆ.
Related Articles
ಒಂದೂವರೆ ವರ್ಷದ ಹಿಂದೆ ತಂದೆ ಆಸ್ಪತ್ರೆಗೆ ದಾಖಲಾದಾಗ ನಮ್ಮಲ್ಲಿ ಆರೋಗ್ಯ ವಿಮಾ ಪಾಲಿಸಿ ಇದ್ದರೂ ತತ್‌ಕ್ಷಣ ಹಣ ಪಾವತಿಗೆ ಪರದಾಡಬೇಕಾಯಿತು. ಇದೇ ನೋವು ರೋಗಿಗಳಿಗೆ ನೆರವು ನೀಡಬೇಕೆಂಬ ಪ್ರೇರಣೆ ನೀಡಿತು. ಸ್ನೇಹಿತರ ವಲಯದಲ್ಲಿ ಚರ್ಚಿಸಿ ಸಣ್ಣ ಮೊತ್ತದ ಗುರಿಯೊಂದಿಗೆ ಆರಂಭಿಸಿದ ಈ ಯೋಜನೆಗೆ ನೆರವು ನೀಡುವವರ ಸಂಖ್ಯೆ ಹೆಚ್ಚುತ್ತಿದೆ. ಅವರೆಲ್ಲರಿಗೂ ನಾನು ಆಭಾರಿ.
- ಅರ್ಜುನ್‌ ಭಂಡಾರ್ಕರ್‌
Advertisement
ಫೇಸ್ಬುಕ್‌ ಪೇಜ್‌“ಹೆಲ್ಪ್ ಟು ಸೇವ್‌ ಎ ಲೈಫ್‌: ಲೆಂಡ್‌ ಎ ಹೆಲ್ಪಿಂಗ್‌ ಹ್ಯಾಂಡ್‌’ ಎಂಬ ಫೇಸ್ಬುಕ್‌ ಪೇಜ್‌ ತೆರೆದು ಅಲ್ಲಿಯೂ ರೋಗಿಗಳಿಗೆ ನೆರವಾಗುವಂತೆ ಕೋರಿಕೊಳ್ಳಲಾಗುತ್ತದೆ. ಫಂಡ್‌ ರೈಸಿಂಗ್‌ ತಾಣವು ನೆರವಿನ ಹಣವನ್ನು ಕಳುಹಿಸಿಕೊಡುತ್ತದೆ. ಆ ಹಣವನ್ನು ಚೆಕ್‌ ಮುಖಾಂತರ ರೋಗಿಯ ಕುಟುಂಬಕ್ಕೆ ನೀಡಲಾಗುತ್ತದೆ. ಚೆಕ್‌ನ ಫೋಟೋ ಕಾಪಿಯಲ್ಲಿ ನೆರವು ಸ್ವೀಕರಿಸಿದ ದಾಖಲೆಗಾಗಿ ಮನೆಯವರ ಸಹಿ ಹಾಕಿಸಿ ವೆಬ್‌ಸೈಟ್‌ನಲ್ಲಿ ಅಪ್ಲೋಡ್‌ ಮಾಡಲಾಗುತ್ತದೆ. ನೆರವು ಹಸ್ತಾಂತರಿಸಿದ ಫೋಟೋವನ್ನೂ ಅಪ್ಲೋಡ್‌ ಮಾಡಲಾಗುತ್ತದೆ. ದಾನಿಗಳನ್ನೇ ಕರೆಸಿ ಹಸ್ತಾಂತರವೂ ನಡೆಯುತ್ತಿದೆ. ಎಲ್ಲವನ್ನೂ ಫೇಸ್ಬುಕ್‌ನಲ್ಲಿ ದಾಖಲಿಸಲಾಗುತ್ತದೆ.