ತೇಜಸ್‌ ಉತ್ಪಾದನೆ: ಎಚ್‌ಎಎಲ್‌ಗೆ ಹಸಿರು ನಿಶಾನೆ

ಬೆಂಗಳೂರು: ಲಘು ಯುದ್ಧ ವಿಮಾನ (ಎಲ್‌ಸಿಎ) ತೇಜಸ್‌ ಸಿದ್ಧಪಡಿಸಲು ಬೇಕಾದ ಒಪ್ಪಿಗೆ ಸಿಕ್ಕಿದೆ ಎಂದು ಹಿಂದುಸ್ತಾನ್‌ ಏರೋನಾಟಿಕ್ಸ್‌ ಲಿ. (ಎಚ್‌ಎಎಲ್‌) ಶುಕ್ರವಾರ ಹೇಳಿದೆ. ಐಎಎಫ್ಗಾಗಿ ವರ್ಷಾಂತ್ಯದಲ್ಲಿ ಅದು ಸಿದ್ಧಗೊಳ್ಳಲಿದೆ ಎಂದು “ಪಿಟಿಐ’ ಸುದ್ದಿ ಸಂಸ್ಥೆಗೆ ಎಚ್‌ಎಎಲ್‌ ವಕ್ತಾರರು ತಿಳಿಸಿದ್ದಾರೆ. 

ಸೆಂಟರ್‌ ಫಾರ್‌ ಏರ್‌ವರ್ತಿನೆಸ್‌ ಆ್ಯಂಡ್‌ ಸರ್ಟಿಫಿಕೇಶನ್‌ ಸಂಸ್ಥೆಯು ತೇಜಸ್‌ ಎಂಕೆ 1 ಉತ್ಪಾದನೆಗೆ ಒಪ್ಪಿಗೆ ನೀಡಿದೆ. ಯುದ್ಧಭೂಮಿಯಲ್ಲಿ ಈ ಯುದ್ಧ ವಿಮಾನಗಳು ಬಳಕೆಯಾಗಬೇಕಾದರೆ ಅದಕ್ಕೂ ಮೊದಲು ಸಮರದ ನಡುವೆಯೆ ಇಂಧನ ಪೂರೈಕೆ ಸಾಮರ್ಥ್ಯ, ಇಲೆಕ್ಟ್ರಾನಿಕ್‌ ವಾರ್‌ ಸ್ಯೂಟ್‌, ಹಲವು ವಿಧಗಳ ಬಾಂಬ್‌ಗಳ ಬಳಕೆ ಬಗ್ಗೆ ಪ್ರಯೋಗ ನಡೆಯಬೇಕಾಗಿದೆ ಎಂದಿದ್ದಾರೆ.