ಮದುವೆಗೆ ಹೆತ್ತವರ ಅನುಮತಿ ಸಿಗದ್ದಕ್ಕೆ ಯುವ ಜೋಡಿ ಆತ್ಮಹತ್ಯೆ

ಕೋಟ, ರಾಜಸ್ಥಾನ : ತಮ್ಮ ಮದುವೆಗೆ ಹೆತ್ತವರ ಅನುಮತಿ ಸಿಗಲಾರೆಂಬ ಕಾರಣಕ್ಕೆ ಹದಿಹರೆಯದ ಜೋಡಿಯೊಂದು ವಿಷ ಸೇವಿಸಿ ಆತ್ಮಹತ್ಯೆ ಮಾಡಿಕೊಂಡ ಘಟನೆ ಝಲವಾರ್‌ ಜಿಲ್ಲೆಯ ಗಿರಿಧಾರ್‌ಪುರ ಗ್ರಾಮದಲ್ಲಿ ನಡೆದಿರುವುದು ವರದಿಯಾಗಿದೆ.

ಆತ್ಮಹತ್ಯೆ ಮಾಡಿಕೊಂಡ ಯುವ ಜೋಡಿಯ ಶವ ಗಿರಿಧಾರ್‌ಪುರದ ಹೊಲವೊಂದರಲ್ಲಿ ಬಿದ್ದುಕೊಂಡಿದ್ದುದು ಪತ್ತೆಯಾಗಿದೆ. ಆದರೆ ಯಾವುದೇ ಡೆತ್‌ ನೋಟ್‌ ಸಿಕ್ಕಿಲ್ಲ ಎಂದು ಝಲಾರ್‌ಪಠಾನ್‌ ಪೊಲೀಸ್‌ ಠಾಣೆಯ ಎಸ್‌ಐ ಜಗದೀಶ್‌ ಮೀಣ ತಿಳಿಸಿದ್ದಾರೆ. 

ಈ ಯುವ ಜೋಡಿ ನಿನ್ನೆ ಸೋಮವಾರ ತಮ್ಮ ಮನೆಯಿಂದ ಓಡಿ ಹೋಗಿತ್ತು. ಪೊಲೀಸರು ಕೇಸು ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.