ರಾಯಚೂರು: ಶಿಕ್ಷಕರ ಸಂಘದ ಚುನಾವಣೆಗೆ ಬಿರುಸಿನ ಮತದಾನ

ರಾಯಚೂರು: ಪ್ರಾಥಮಿಕ ಶಾಲಾ ಶಿಕ್ಷಕರ ಸಂಘದ ಚುನಾವಣೆಗೆ ನಗರದಲ್ಲಿ ಬಿರುಸಿನ ಮತದಾನ ನಡೆಯುತ್ತಿದೆ. ನಗರದ ಸೀತಾ ಸುಬ್ಬರಾಜು ಸ್ಮಾರಕ ಕಾಲೇಜಿನಲ್ಲಿ ನಾಲ್ಕು ಮತಗಟ್ಟೆಗಳನ್ನು ಸ್ಥಾಪಿಸಿದ್ದು, ಈವರೆಗೆ ಶೇ.25 ರಷ್ಟು ಮತದಾನ ನಡೆದಿದೆ.

ಬೆಳಗ್ಗೆ ನೀರಸ ಪ್ರತಿಕ್ರಿಯೆ ವ್ಯಕ್ತವಾಗಿತ್ತು. 10 ಗಂಟೆ ಬಳಿಕ ಮತ ಚಲಾಯಿಸಲು ಹೆಚ್ಚಿನ ಸಂಖ್ಯೆಯಲ್ಲಿ ಶಿಕ್ಷಕರು ಆಗಮಿಸಿದ್ದು ಕಂಡು ಬಂತು. ಒಟ್ಟು 1400 ಮತದಾರರಿದ್ದಾರೆ. ತಲಾ 350 ಮತದಾರರಿಗೆ ಒಂದರಂತೆ ನಾಲ್ಕು ಮತಗಟ್ಟೆ ಸ್ಥಾಪಿಸಲಾಗಿದೆ.

28 ಸ್ಥಾನಗಳಿಗೆ ಎರಡು ಬಣದಿಂದ 51 ಅಭ್ಯರ್ಥಿಗಳು ಕಣದಲ್ಲಿದ್ದಾರೆ.  ಸಾಮಾನ್ಯ ವಿಭಾಗದಲ್ಲಿ 19 ಸ್ಥಾನಗಳಿಗೆ 41 ಜನ ಸ್ಪರ್ಧಿಸಿದರೆ ಮಹಿಳಾ ವಿಭಾಗದ 9 ಸ್ಥಾನಗಳಿಗೆ15 ಜನ ಸ್ಪರ್ಧಿಸಿದ್ದಾರೆ.

ಸಂಜೆ ನಾಲ್ಕು ಗಂಟೆವರೆಗೂ ಮತದಾನ ಪ್ರಕ್ರಿಯೆ ನಡೆಯುತ್ತಿದ್ದು, 5 ಗಂಟೆಯಿಂದ ಮತ ಎಣಿಕೆ ಪ್ರಕ್ರಿಯೆ ಶುರುವಾಗಲಿದೆ ಎಂದು ಚುನಾವಣಾಧಿಕಾರಿ ಕೋರೆಕಲ್ ತಿಳಿಸಿದ್ದಾರೆ.