2020ರ ಎಪ್ರಿಲ್‌ನಿಂದ ಟಾಟಾ ನ್ಯಾನೋ ಉತ್ಪಾದನೆ, ಮಾರಾಟ ಬಂದ್‌

ಹೈದರಾಬಾದ್‌ : ರತನ್‌ ಟಾಟಾ ಅವರ ಕನಸಿನ ಕಾರು ಎಂದೇ ವರ್ಣಿಸಲ್ಪಟ್ಟಿದ್ದ ನ್ಯಾನೋ ಕಾರಿನ ಉತ್ಪಾದನೆ ಮತ್ತು ಮಾರಾಟವನ್ನು 2020ರ ಎಪ್ರಿಲ್‌ನಿಂದ ನಿಲ್ಲಿಸಲಾಗುವುದು ಎಂದು ಟಾಟಾ ಮೋಟರ್ಸ್‌  ಕಂಪೆನಿ ಹೇಳಿದೆ. 

ಟಾಟಾ ನ್ಯಾನೋ ಕಾರನ್ನು ಬಿಎಸ್‌-6 ಮಟ್ಟಕ್ಕೇರಿಸುವಲ್ಲಿ ಹಣ ಹೂಡುವ ಯಾವುದೇ ಯೋಜನೆ ತನಗಿಲ್ಲ ಎಂದು ಕಂಪೆನಿ ಹೇಳಿದೆ. 

ಈ ವರ್ಷ ಜನವರಿಯಿಂದ ಕೆಲವೊಂದು ಸುರಕ್ಷಾ ಕ್ರಮಗಳು ಜಾರಿಗೆ ಬಂದಿವೆ. ಎಪ್ರಿಲ್‌ನಲ್ಲಿ ಪುನಃ ಇನ್ನಷ್ಟು ಕ್ರಮಗಳು ಜಾರಿಗೆ ಬರಲಿವೆ.  ಅಕ್ಟೋಬರ್‌ನಿಂದ ಮತ್ತೆ ಹೊಸ ಸುರಕ್ಷಾ ಕ್ರಮಗಳು ಜಾರಿಗೆ ಬರಲಿವೆ. 2020ರ ಎಪ್ರಿಲ್‌ 1ರಿಂದ ಬಿಎಸ್‌-6 ಸಂಪೂರ್ಣವಾಗಿ ಜಾರಿಗೆ ಬರಲಿದೆ.

ಇದಕ್ಕೆ ಅನುಗುಣವಾದ ಉತ್ಪನ್ನ ತರಲು ದೊಡ್ಡ ಮಟ್ಟದ ಹೂಡಿಕೆ ಅಗತ್ಯ ಇರುತ್ತದೆ. ಆದರೆ ಕಂಪೆನಿ ನ್ಯಾನೋ ಸುಧಾರಣೆಗಾಗಿ  ಹಣ ಹೂಡುವ ಯಾವುದೇ ಯೋಜನೆ ಹೊಂದಿಲ್ಲ ಎಂದು ಕಂಪೆನಿ ಹೇಳಿದೆ.