17 ರಿಂದ ಟಾಟಾ ಕಾರುಗಳು ದುಬಾರಿ… ಇಲ್ಲಿದೆ ವಿವರ

ಮುಂಬೈ: ದೇಶದ ಪ್ರಮುಖ ಕಾರು ಉತ್ಪಾದಕ ಕಂಪನಿ ಟಾಟಾ ಮೋಟಾರ್ಸ್‌ ಜು.17ರಿಂದ ಅನ್ವಯವಾಗುವಂತೆ ಟಾಟಾ ಹ್ಯಾರಿಯರ್‌, ನೆಕ್ಸಾನ್‌, ಸಫಾರಿ, ಟಿಯಾಗೋ, ಅಲ್ಟ್ರೋಜ್‌ ಸೇರಿದಂತೆ ಎಲ್ಲಾ ಮಾದರಿಗಳ ಕಾರುಗಳ ದರವನ್ನು ಹೆಚ್ಚಿಸಲಿದೆ.

ಹಾಲಿ ಇರುವ ಎಕ್ಸ್‌ ಶೋ ರೂಮ್‌ ದರದಿಂದ ಶೇ.0.6 ಬೆಲೆ ಏರಿಕೆಯಾಗಲಿದೆ ಎಂದು ಕಂಪನಿ ಹೇಳಿದೆ. ಆದರೆ, ಜು.16ರ ವರೆಗೆ ಬುಕಿಂಗ್‌ ಮಾಡಲಾಗಿರುವ ಮಾಡೆಲ್‌ಗ‌ಳಿಗೆ ಮತ್ತು ಜು.31ರವರೆಗೆ ಗ್ರಾಹಕರಿಗೆ ವಿತರಿಸಲಾಗುವ ವಾಹನಗಳಿಗೆ ಪರಿಷ್ಕೃತ ದರ ಅನ್ವಯವಾಗುವುದಿಲ್ಲ.

ಹಾಲಿ ಏನು ದರ ನಿಗದಿಯಾಗಿದೆಯೋ ಅದನ್ನೇ ಪರಿಗಣಿಸಲಾಗುತ್ತದೆ ಎಂದಿದೆ. ಮುಂದಿನ ವರ್ಷ ಹ್ಯಾರಿಯರ್‌ನ ವಿದ್ಯುತ್‌ ಚಾಲಿತ ವಾಹನ ಬಿಡುಗಡೆಯಾಗಲಿರುವಂತೆಯೇ ಈ ನಿರ್ಧಾರ ಹೊರಬಿದ್ದಿದೆ.