ತಾಂಜೇನಿಯಾ: ಫ‌ಸ್ಟ್‌ IIT ಕ್ಯಾಂಪಸ್‌

ಹೊಸದಿಲ್ಲಿ: ದೇಶದ ಪ್ರತಿಷ್ಠಿತ ಎಂಜಿನಿಯರಿಂಗ್‌ ಕಾಲೇಜು, ಇಂಡಿಯನ್‌ ಇನ್‌ಸ್ಟಿಟ್ಯೂಟ್‌ ಆಫ್ ಟೆಕ್ನಾಲಜಿಯ ಮೊದಲ ವಿದೇಶ ಕ್ಯಾಂಪಸ್‌ ತಾಂಜೇನಿಯಾದ ಝಾಂಝಿಬಾರ್‌ನಲ್ಲಿ ಸ್ಥಾಪನೆಗೊಳ್ಳಲಿದೆ. ಅಕ್ಟೋಬರ್‌ನಿಂದ ಶೈಕ್ಷಣಿಕ ವರ್ಷಆರಂಭವಾಗಲಿದೆ ಎಂದು ಗುರುವಾರ ವಿದೇಶಾಂಗ ಸಚಿವಾಲಯ ತಿಳಿಸಿದೆ.

ಸದ್ಯ ವಿದೇಶಾಂಗ ಸಚಿವ ಎಸ್‌.ಜೈಶಂಕರ್‌ ಆ ದೇಶದ ಪ್ರವಾಸದಲ್ಲಿದ್ದಾರೆ. ಅದಕ್ಕೆ ಪೂರ ಕವಾಗಿ ಈ ಬೆಳವಣಿಗೆ ನಡೆದಿದೆ. ಚೆನ್ನೈಯಲ್ಲಿರುವ ಐಐಟಿ ಮದ್ರಾಸ್‌ ಭಾರತದ ಹೊರಗೆ ಕ್ಯಾಂಪಸ್‌ ಸ್ಥಾಪಿಸುವ ಹೊಣೆ ಹೊತ್ತುಕೊಂಡಿದೆ. ಕೇಂದ್ರದ ಗ್ಲೋಬಲ್‌ ಸೌತ್‌ ಎಂಬ ನಿಲುವಿನ ಅಡಿ ಈ ಕ್ರಮ ಕೈಗೊಳ್ಳಲಾಗಿದೆ. ಭಾರತ ಮತ್ತು ತಾಂಜೇನಿಯಾ ನಡುವಿನ ಬಾಂಧವ್ಯದ ದ್ಯೋತಕವಾಗಿ ಕ್ಯಾಂಪಸ್‌ ಸ್ಥಾಪನೆಯಾಗುತ್ತಿದೆ.