Tamil Nadu:ಸ್ಟಾಲಿನ್‌ ಪುತ್ರ ಉದಯನಿಧಿ ಡಿಸಿಎಂ?

ಚೆನ್ನೈ: ಸದ್ಯದಲ್ಲೇ ತಮಿಳುನಾಡಿನ ಡಿಎಂಕೆ ನಾಯಕ, ಕ್ರೀಡಾ ಸಚಿವ ಉದಯನಿಧಿ ಸ್ಟಾಲಿನ್‌ ಅವರಿಗೆ ಉಪಮುಖ್ಯಮಂತ್ರಿ ಸ್ಥಾನ ನೀಡಲಾಗುತ್ತದೆ ಎಂಬ ಗುಸುಗುಸುಗಳು ತ.ನಾಡು ರಾಜಕೀಯ ವಲಯದಲ್ಲಿ ದಟ್ಟವಾಗಿ ಕೇಳಿಬರತೊಡಗಿದೆ. ಫೆಬ್ರವರಿಯಲ್ಲಿ ಸಿಎಂ ಸ್ಟಾಲಿನ್‌ ವಿದೇಶ ಪ್ರವಾಸ ಕೈಗೊಳ್ಳಲಿದ್ದಾರೆ. ಅದಕ್ಕೂ ಮುನ್ನ ಸೇಲಂನಲ್ಲಿ ಜ.21ರಂದು ಪಕ್ಷದ ಯುವ ಘಟಕದ ಸಭೆ ನಡೆಯಲಿದ್ದು, ಅಲ್ಲಿ ತಮ್ಮ ಪುತ್ರ ಉದಯನಿಧಿ ಅವರನ್ನು ಡಿಸಿಎಂ ಎಂದು ಘೋಷಿಸಲಿದ್ದಾರೆ ಎಂದು ಹೇಳಲಾಗಿದೆ. ಆದರೆ ಇದನ್ನು ಉದಯನಿಧಿ ತಳ್ಳಿಹಾಕಿದ್ದು, ಇದೆಲ್ಲವೂ ಗಾಳಿಸುದ್ದಿ ಎಂದಿದ್ದಾರೆ.