Tamil Nadu; ನ.1ಕ್ಕೆ ಗಡಿ ಹುತಾತ್ಮರ ದಿನಾಚರಣೆ: ಸಿಎಂ ಸ್ಟಾಲಿನ್‌ ಘೋಷಣೆ

ಚೆನ್ನೈ: ತಮಿಳು ಭಾಷಿಕ ಪ್ರದೇಶಗಳನ್ನು ಒಗ್ಗೂಡಿಸಲು ನಡೆದ ಹೋರಾಟದಲ್ಲಿ ಮಡಿದ ಹುತಾತ್ಮರನ್ನು ಸ್ಮರಿಸುವ “ಗಡಿ ಹುತಾತ್ಮರ ದಿನಾಚರಣೆ’ ಎಂದು ಆಚರಿಸಲಾಗುತ್ತದೆ. ಈ ಬಗ್ಗೆ ಮುಖ್ಯಮಂತ್ರಿ ಎಂ.ಕೆ.ಸ್ಟಾಲಿನ್‌ ಟ್ವೀಟ್‌ ಮಾಡಿ “ತಮಿಳುನಾಡು ರಾಜ್ಯ ರಚನೆಗೆ ಪ್ರಾಣ ನೀಡಿದ ಹುತಾತ್ಮರ ನೆನಪಿಗಾಗಿ ನ.1ನ್ನು ಗಡಿ ಹುತಾತ್ಮರ ದಿನವೆಂದು ಆಚರಿಸುವುದಾಗಿ ಘೋಷಿಸಿದ್ದಾರೆ. ಡಿಎಂಕೆ ಸರಕಾರವು ಕಳೆದ ವರ್ಷದಿಂದ ನ.1ರ ಬದಲಾಗಿ, ಮದ್ರಾಸ್‌ ಪ್ರಸಿಡೆನ್ಸಿ ಎಂದಿದ್ದ ರಾಜ್ಯದ ಹೆಸರನ್ನು ತಮಿಳುನಾಡು ಎಂದು ಬದಲಿಸಿದ ಜು.18ನ್ನು ತಮಿಳುನಾಡು ದಿನಾಚರಣೆ ಎಂದು ಆಚರಿಸಲು ಪ್ರಾರಂಭಿಸಿದೆ. ಆದರೆ ಬಿಜೆಪಿ ನಾಯಕ ಕೆ.ಅಣ್ಣಾಮಲೈ ಮತ್ತು ಟಿವಿಕೆ ಮುಖ್ಯಸ್ಥ, ನಟ ವಿಜಯ್‌ ನ.1ರಂದೇ ತಮಿಳುನಾಡು ದಿನವನ್ನು ಆಚರಿಸಬೇಕು ಎಂದು ಆಗ್ರಹಿಸಿದ್ದಾರೆ.