Election ಸೀಟು ಹಂಚಿಕೆ ಕುರಿತು ತಮ್ಮ ಪಕ್ಷದ ಮಾತುಕತೆ ಬಹುತೇಕ ಮುಗಿದಿದೆ: ಸಂಜಯ್‌ ರಾವುತ್‌

ಮುಂಬಯಿ: ಮುಂಬರುವ ಲೋಕಸಭೆ ಚುನಾವಣೆಗೆ ತೀವ್ರತರವಾದ ಸಿದ್ಧತೆಗಳ ಮಧ್ಯೆ, ಕಾಂಗ್ರೆಸ್‌, ಎನ್‌ಸಿಪಿ, ಶಿವಸೇನೆ ಮತ್ತು ವಂಚಿತ್‌ ಬಹುಜನ ಆಗಾಡಿ ಮುಖ್ಯಸ್ಥ ಪ್ರಕಾಶ್‌ ಅಂಬೇಡ್ಕರ್‌ ಜೊತೆ ಸೀಟು ಹಂಚಿಕೆ ಕುರಿತು ತಮ್ಮ ಪಕ್ಷದ ಮಾತುಕತೆ ಬಹುತೇಕ ಮುಗಿದಿದೆ ಎಂದು ಶಿವಸೇನಾ (ಯುಬಿಟಿ) ನಾಯಕ ಸಂಜಯ್‌ ರಾವುತ್‌ ಹೇಳಿದ್ದಾರೆ.

ಉನ್ನತ ಮಟ್ಟದ ಸಮಿತಿಯ ಭಾಗವಾಗಿರುವ ಪಕ್ಷದ ಹಿರಿಯ ನಾಯಕರೊಂದಿಗೆ ನಾನು ಚರ್ಚಿಸಿದ್ದೇನೆ. ಕೆಲವೇ ದಿನಗಳಲ್ಲಿ ನಾವು ಕಾಂಗ್ರೆಸ್‌ ಅಧ್ಯಕ್ಷ ಮಲ್ಲಿಕಾರ್ಜುನ ಖರ್ಗೆ ಅವರು ರಚಿಸಿರುವ ಸಮಿತಿಯೊಂದಿಗೆ ಕುಳಿತುಕೊಳ್ಳುತ್ತೇವೆ ಮತ್ತು ನಮ್ಮ ಪ್ರಾಥಮಿಕ ಚರ್ಚೆಗಳು ಕೊನೆಗೊಳ್ಳುತ್ತವೆ. ಕಾಂಗ್ರೆಸ್‌, ಎನ್‌ಸಿಪಿ, ಶಿವಸೇನೆ, ಮತ್ತು ಪ್ರಕಾಶ್‌ ಅಂಬೇಡ್ಕರ್‌ ಅವರ ಜೊತೆ ಸೀಟು ಹಂಚಿಕೆ ಕುರಿತು ನಮ್ಮ ಮಾತುಕತೆ ಬಹುತೇಕ ಮುಗಿದಿದೆ. ಇದು ತುಂಬಾ ಸಕಾರಾತ್ಮಕ ಚರ್ಚೆಯಾಗಿದೆ, ನಾಲ್ಕು ಪಕ್ಷಗಳಲ್ಲಿ ಯಾವುದೇ ಘರ್ಷಣೆಯನ್ನು ನಾವು ನೋಡಲಾಗುವುದಿಲ್ಲ ಎಂದು ಸಂಜಯ್‌ ರಾವುತ್‌ ಹೇಳಿದ್ದಾರೆ.