ಎಲ್ಲ ಅಂದುಕೊಂಡಂತೆ ನಡೆದಿದ್ದರೆ, ಇದೇ ಸೆ.10 ರಂದು ಗೌರಿ-ಗಣೇಶ ಹಬ್ಬದ ಸಂದರ್ಭದಲ್ಲಿ ಹ್ಯಾಟ್ರಿಕ್‌ ಹೀರೋ ಶಿವರಾಜ ಕುಮಾರ್ ಅಭಿನಯದ ಬಹು ನಿರೀಕ್ಷಿತ “ಭಜರಂಗಿ-2′ ಚಿತ್ರ ತೆರೆಗೆ ಬರಬೇಕಿತ್ತು. ಶಿವರಾಜ ಕುಮಾರ್ ಅಭಿಮಾನಿಗಳು ಕೂಡ ತಮ್ಮ ನೆಚ್ಚಿನ ನಟನ ಹೊಸಚಿತ್ರ ಬಿಡುಗಡೆಯನ್ನು ಎದುರು ನೋಡುತ್ತಿದ್ದರು.
ಆದರೆ ಸದ್ಯದ ಮಟ್ಟಿಗೆಕೋವಿಡ್‌ ಭಯ ಮತ್ತು ಥಿಯೇಟರ್‌ಗಳಲ್ಲಿ ಶೇಕಡ ನೂರರಷ್ಟು ಪ್ರೇಕ್ಷಕರ ಪ್ರವೇಶಾವಕಾಶಕ್ಕೆ ಅನುಮತಿ ಸಿಗದಕಾರಣ ಚಿತ್ರತಂಡ ಅನಿರ್ಧಿಷ್ಟಾವಧಿಗೆ “ಭಜರಂಗಿ-2′ ಬಿಡುಗಡೆಯನ್ನು ಮುಂದೂಡಿದೆ. ಇನ್ನು ತಮ್ಮ ನೆಚ್ಚಿನ ನಟನ ಸಿನಿಮಾ ಬಿಡುಗಡೆಯಾಗುತ್ತಿಲ್ಲ ಎಂಬ ಬೇಸರದಲ್ಲಿರುವ ಶಿವಣ್ಣನ ಫ್ಯಾನ್ಸ್‌ ಮುಂದೆ ಅವರದ್ದೇ ಮತ್ತೂಂದು ಸೂಪರ್‌ ಹಿಟ್ ಸಿನಿಮಾ “ಟಗರು’ ರೀ-ರಿಲೀಸ್ ಆಗುತ್ತಿದೆ.
ಇದನ್ನೂ ಓದಿ:ಇಂದು ಸುದೀಪ್‌ ಬರ್ತ್‌ಡೇ: ಕೋವಿಡ್ ಆತಂಕದಿಂದ ಅದ್ಧೂರಿ ಆಚರಣೆಯಿಲ್ಲ
ಹೌದು, ಇದೇ ಸೆ.10 ರಂದು “ಟಗರು’ ಸಿನಿಮಾ ಮತ್ತೆ ಬಿಡುಗಡೆಯಾಗುತ್ತಿದೆ. ಬೆಂಗಳೂರಿನ ಗಾಂಧಿನಗರದಕೆ.ಜಿ ರಸ್ತೆಯಲ್ಲಿರುವ ತ್ರಿವೇಣಿ ಚಿತ್ರಮಂದಿರದಲ್ಲಿ “ಟಗರು’ ಮತ್ತೆ ತೆರೆಕಾಣುತ್ತಿದೆ.
“ಭಜರಂಗಿ-2′ ಚಿತ್ರ ಹಬ್ಬದ ಸಂದರ್ಭದಲ್ಲಿ ತೆರೆಕಾಣಲು ಸಾಧ್ಯವಾಗದಿದ್ದಕಾರಣ, ಅದೇ ಸಂದರ್ಭದಲ್ಲಿ ಅಭಿಮಾನಿಗಳಿಗಾಗಿ “ಟಗರು’ ರೀ-ರಿಲೀಸ್ ಮಾಡಲಾಗುತ್ತಿದೆ. ಈಗಾಗಲೇ “ಟಗರು’ ಮರು ಬಿಡುಗಡೆಗಾಗಿ ತಯಾರಿ ನಡೆದಿದ್ದು, ಹಬ್ಬದ ಸಂದರ್ಭದಲ್ಲಿ ಶಿವಣ್ಣ ಹೊಸ ಸಿನಿಮಾ ನೋಡಲಾಗುತ್ತಿಲ್ಲ ಎಂಬ ಬೇಸರದ ನಡುವೆಯೇ “ಟಗರು’ ಮರು ಬಿಡುಗಡೆ ಫ್ಯಾನ್ಸ್‌ಗೆ ಒಂದಷ್ಟು ಖುಷಿ ತಂದಿದೆ.
