ಮುಂಬೈ: ಮಹಿಳೆಯರು ಅರೆ ಬರೆ ವಸ್ತ್ರವನ್ನು ತೊಟ್ಟುಕೊಂಡು ಪೋಟೋ ಕ್ಲಿಕ್ಕಿಸಿ ಸಾಮಾಜಿಕ ಜಾಲತಾಣಗಳಲ್ಲಿ ಪೋಸ್ಟ್ ಮಾಡಿದಾಗ ಎದುರಿಸುವ ವಿರೋಧಗಳ ಕುರಿತಾಗಿ ನಟಿ ತಾಪ್ಸಿ ಪನ್ನು ದ್ವನಿ ಎತ್ತಿದ್ದಾರೆ.
ಮಹಿಳೆಯರು ಅದರಲ್ಲೂ ಸಿನಿಮಾ ತಾರೆಯರು ಬಿಕಿನಿ ಧರಿಸಿದ ಪೋಟೋಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಪೋಸ್ಟ್ ಮಾಡಿದಾಗ ಟ್ರೋಲ್ ಮಾಡುವವರ ಕುರಿತಾಗಿ ಮಾತನಾಡಿರುವ ನಟಿ, ಪುರುಷರು ಅರೆಬರೆ ವಸ್ತ್ರಗಳನ್ನು ತೊಟ್ಟು ಪೋಟೋ ತೆಗೆದು ಸಾಮಾಜಿಕ ಜಾಲತಾಣಗಳಲ್ಲಿ ಹಾಕಿದಾಗ ಏಕೆ ಯಾರೂ ಮಾತನಾಡುವುದಿಲ್ಲ ಎಂದು ಪ್ರಶ್ನಿಸಿದ್ದಾರೆ.
ಪುರುಷರು ಜಿಮ್ ಗಳಲ್ಲಿ ಹಾಗೂ ಬೀಚ್ ಗಳಲ್ಲಿ ಅರೆಬರೆ ವಸ್ತ್ರಗಳನ್ನು ಧರಿಸಿದಾಗ ಏನೂ ಮಾತನಾಡದಿರುವ ಜನರು ಮಹಿಳೆಯೊಬ್ಬಳು ಬಿಕಿನಿ ಧರಿಸಿದಾಗ ಆಕೆಯ ವಿರುದ್ಧ ಏಕೆ ಮಾತನಾಡುತ್ತಾರೆ ಎಂದು ತಮ್ಮ ಅಸಮಾಧಾನವನ್ನು ಹೊರಹಾಕಿದ್ದಾರೆ.
ಇದನ್ನೂ ಓದಿ:ಬಣ್ಣದ ಹಬ್ಬಕ್ಕೆ ದಾಸನ ವಿಶ್ : ಹೋಳಿ ಸಡಗರದಲ್ಲಿ ಶಿವಣ್ಣ
ಈ ಹಿಂದೆ ‘ಜುಡ್ವಾ 2’ ಚಿತ್ರದಲ್ಲಿ ನಟಿಸುವ ವೇಳೆಯಲ್ಲಿ ನಟಿ ತಾಪ್ಸಿ ಬಿಕಿನಿ ಹಾಕಿದ್ದರು. ಅವರ ಈ ಪೋಟೋ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ವೈರಲ್ ಆಗಿದ್ದು ಹಲವರು ಈಕೆಯ ವಿರುದ್ಧ ಮಾತನಾಡಿದ್ದರು. ಆ ಸಮಯದಲ್ಲಿ ಒಬ್ಬಾತ ಉಳಿದಿರುವ ವಸ್ತ್ರವನ್ನೂ ಕೂಡಾ ಕಳಚಿಬಿಡು ಆಗ ಆ ಚಿತ್ರವನ್ನು ನೋಡಿ ನಿನ್ನ ಸಹೋದರ ಹೆಮ್ಮೆ ಪಡುತ್ತಾನೆ ಎಂದಿದ್ದ. ಇದಕ್ಕೆ ಉತ್ತರಿಸಿರುವ ನಟಿ, ಕ್ಷಮಿಸಿ, ನೀವು ಹೇಳಿದಂತೆ ಅಭಿಪ್ರಾಯವನ್ನು ಕೇಳಲು ನನಗೆ ಅಣ್ಣ ಇಲ್ಲ . ನನ್ನ ಸಹೋದರಿ ಇದ್ದಾಳೆ ಆಕೆಗೆ ನನ್ನ ಬಿಕಿನಿ ಪೋಟೋ ತೋರಿಸಿ ಆಕೆಯ ಅಭಿಪ್ರಾಯವನ್ನು ತಿಳಿಸುತ್ತೇನೆ ಎಂದು ಉತ್ತರಿಸಿದ್ದರು.
