Advertisement

ಧರ್ಮಸ್ಥಳದ ಮಂಜೂಷಾಕ್ಕೆ ಟಿ-565 ಯುದ್ಧ ಟ್ಯಾಂಕರ್‌!

01:41 AM Dec 01, 2022 | Team Udayavani |

ಬೆಳ್ತಂಗಡಿ: ಭಾರತದ ರಕ್ಷಣಾ ಸಚಿವಾಲಯದಿಂದ ಪುಣೆಯ ಕೇಂದ್ರೀಯ ರಕ್ಷಣಾ ಡಿಪೋದ ಮೂಲಕ ಮಂಗಳವಾರ ಧರ್ಮಸ್ಥಳದ ಮಂಜೂಷಾ ಸಂಗ್ರಹಾಲಯಕ್ಕೆ ಟಿ-565 ಯುದ್ಧ ಟ್ಯಾಂಕರ್‌ ಕೊಡು ಗೆಯಾಗಿ ನೀಡಲಾಯಿತು.

Advertisement

ಧರ್ಮಾಧಿಕಾರಿ ಡಾ| ಡಿ. ವೀರೇಂದ್ರ ಹೆಗ್ಗಡೆ ಅವರು ಟಿ-565 ಟ್ಯಾಂಕರನ್ನು ಬರಮಾಡಿಕೊಂಡು ವೀಕ್ಷಿಸಿದರು. ಆಪ್ತ ಕಾರ್ಯದರ್ಶಿ ಎ.ವಿ. ಶೆಟ್ಟಿ ಜತೆಗಿದ್ದರು.

1968ರಲ್ಲಿ ಭಾರತೀಯ ಸೇನೆಗೆ ಈ ಟ್ಯಾಂಕರನ್ನು ಸೇರ್ಪಡೆಗೊಳಿಸಲಾಗಿತ್ತು. ರಕ್ಷಣ ಕಾರ್ಯದಲ್ಲಿ ಸುಮಾರು 40 ವರ್ಷಗಳ ಕಾಲ ಇದು ಬಳಕೆಯಾಗಿದೆ.

1971ರ ಇಂಡೋ ಪಾಕ್‌ ಯುದ್ಧದಲ್ಲಿ ಮತ್ತು ಬಾಂಗ್ಲಾ ವಿಮೋಚನ ಯುದ್ಧದಲ್ಲಿ ಇದು ಬಳಕೆಯಾಗಿದೆ.

ತಾಂತ್ರಿಕ ಮಾಹಿತಿ: ಟಿ-565 ಟ್ಯಾಂಕ್‌ ವಿ-55 (ವಿ-54) ವಿ-12 ವಾಟರ್‌ ಕೂಲ್ಡ್‌ ಎಂಜಿನ್‌ ಅಗಿದೆ. ಸುಮಾರು 40 ಟನ್‌ಗಳಷ್ಟು ತೂಕ ಹೊಂದಿದ್ದು, ಟ್ಯಾಂಕ್‌ 9 ಅಡಿ ಎತ್ತರ ಹಾಗೂ 27.6 ಅಡಿ ಉದ್ದ ಮತ್ತು 10.8 ಅಗಲವಿದೆ. ಇದರ ಗರಿಷ್ಠ ವೇಗ ಗಂಟೆಗೆ 51 ಕಿ.ಮೀ. ಆಗಿದ್ದು 500 ಅಶ್ವಶಕ್ತಿ ಸಾಮರ್ಥ್ಯ ಹೊಂದಿದೆ.

Advertisement

ಟಿ-565 ಟ್ಯಾಂಕರನ್ನು ಸೋವಿಯತ್‌ ಒಕ್ಕೂಟ ಸಿಬಂದಿ ತಯಾರಿಸಿದ್ದಾರೆ. ಇದು ಒಳಗೆ ನಾಲ್ವರು ಸೈನಿಕರು ಕುಳಿತುಕೊಳ್ಳುವಷ್ಟು ಸ್ಥಳಾವಕಾಶ ಹೊಂದಿದೆ.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next