Advertisement
ಸ್ವಿಜರ್ಲೆಂಡ್‌ನ ಕ್ವಿಂಟಿನ್‌ ಜೆರೆಮಿ ಕ್ಲೆರ್ಕ್‌ ಹಾಗೂ ಅವರ ಪತ್ನಿ ಮಾರಿ ಡ್ರಾಕ್ಸ್‌ ದಿಲ್ಲಿಯ ಅಪೊಲೊ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದು, ಕ್ಲೆರ್ಕ್‌ಗೆ ಮಿದುಳಿನಲ್ಲಿ ರಕ್ತ ಕಟ್ಟಿಕೊಂಡಿದೆ ಮತ್ತು ಶ್ರವಣ ಸಮಸ್ಯೆಯೂ ಉಂಟಾಗಿದೆ. ಗುಂಪು ಕಲ್ಲು ಮತ್ತು ಕೋಲುಗಳಿಂದ ದಾಳಿ ನಡೆಸಿದೆ. ಈ ದಾಳಿಯ ವೀಡಿಯೋವನ್ನು ಸಾರ್ವಜನಿಕರು ಮಾಡಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ. ಕೇಂದ್ರ ವಿದೇಶಾಂಗ ಸಚಿವೆ ಸುಷ್ಮಾ ಸ್ವರಾಜ್‌ ಉ.ಪ್ರ.ಸರಕಾರದಿಂದ ವರದಿ ಕೇಳಿದ್ದಾರೆ.
ಯುವಕ ಸುಮಾರು ಒಂದು ತಾಸಿನವರೆಗೆ ಅವರನ್ನು ಬೆನ್ನತ್ತಿದ್ದ. ದಂಪತಿಯ ಜತೆ ಮಾತನಾಡಲು ಪ್ರಯತ್ನ ನಡೆಸಿದ್ದ. ಅನಂತರ ಇನ್ನಷ್ಟು ಜನರು ಸೇರಿಕೊಂಡು ದಾರಿಗೆ ಅಡ್ಡಗಟ್ಟಿದರು. ಬಲವಂತವಾಗಿ ಸೆಲ್ಫಿà ತೆಗೆದುಕೊಂಡು, ಕೋಲಿನಿಂದ ಥಳಿಸಿದರು ಎಂದು ಕ್ಲೆರ್ಕ್‌ ಹೇಳಿದ್ದಾರೆ. ಡ್ರಾಕ್ಸ್‌ ಮೇಲೂ ದಾಳಿ ನಡೆದಿದ್ದು, ಆಕೆಯ ಕೈ ಮೂಳೆ ಮುರಿದಿದೆ.