ಸೆ.1ರಿಂದ ಸಿಗಲಿದೆ ಸ್ವಿಸ್‌ ಬ್ಯಾಂಕ್‌ ಖಾತೆ ವಿವರ

ನವದೆಹಲಿ: ಸ್ವಿಜರ್ಲೆಂಡ್‌ನ‌ಲ್ಲಿ ಭಾರತೀಯರು ಹೊಂದಿದ ಬ್ಯಾಂಕ್‌ ಖಾತೆಗಳ ವಿವರ ಸೆ.1ರಿಂದ ಸಂಪೂರ್ಣವಾಗಿ ಲಭ್ಯವಾಗಲಿದೆ. ಭಾರತ ಹಾಗೂ ಸ್ವಿಜರ್ಲೆಂಡ್‌ ಮಧ್ಯೆ ನಡೆದ ಒಪ್ಪಂದದ ಫ‌ಲವಾಗಿ ಈ ಮಾಹಿತಿ ಲಭ್ಯವಾಗಲಿದೆ. ಇದು ಕಪ್ಪುಹಣದ ವಿರುದ್ಧ ಭಾರತ ಸರ್ಕಾರದ ಹೋರಾಟಕ್ಕೆ ಮಹತ್ವದ ಜಯವಾಗಿದ್ದು, ಸ್ವಿಸ್‌ ಬ್ಯಾಂಕ್‌ನ ಗೌಪ್ಯತೆಯ ಶಕೆಯೂ ಇದರೊಂದಿಗೆ ಮುಕ್ತಾಯವಾಗಲಿದೆ.

ಈ ಕುರಿತು ಪೂರ್ವತಯಾರಿಯ ಮೇಲ್ವಿಚಾರಣೆಗಾಗಿ ಸ್ವಿಜರ್ಲೆಂಡ್‌ನ‌ ನಿಯೋಗವು ನೇರ ತೆರಿಗೆ ಮಂಡಳಿ ಮುಖ್ಯಸ್ಥ ಪಿ ಸಿ ಮೋದಿಯರವನ್ನು ಭೇಟಿ ಮಾಡಿದೆ. ಈ ವೇಳೆ ಎರಡೂ ದೇಶಗಳ ಒಪ್ಪಂದಕ್ಕೆ ಅನುಗುಣವಾಗಿ ಮಾಹಿತಿ ವಿನಿಮಯದ ಅಂತಿಮ ಸಿದ್ಧತೆಯನ್ನು ಪರಿಶೀಲನೆ ನಡೆಸಲಾಗಿದೆ. 2018ರಿಂದ ಸ್ವಿಸ್‌ ಬ್ಯಾಂಕ್‌ನಲ್ಲಿ ಭಾರತೀಯರು ಹೊಂದಿರುವ ಖಾತೆಗಳ ಮಾಹಿತಿಯನ್ನು ಇದು ಒಳಗೊಂಡಿರಲಿದ್ದು, ಇದರಿಂದ ಭಾರತೀಯ ತೆರಿಗೆ ಅಧಿಕಾರಿಗಳು ಇಂತಹ ಖಾತೆಗಳ ಪರಿಶೀಲನೆ ನಡೆಸಲು ಅನುವಾಗಲಿದೆ.