Air India ಪೈಲಟ್‌ಗಳ ಅಮಾನತು

ಹೊಸದಿಲ್ಲಿ: ಏರ್‌ ಇಂಡಿಯಾ ಕಂಪೆನಿಯ ವಿಮಾನದಲ್ಲಿ ಕಾಕ್‌ಪಿಟ್‌ಗೆ ಸ್ನೇಹಿತೆಯನ್ನು ಪ್ರವೇಶಿಸಲು ಅವಕಾಶ ಮಾಡಿಕೊಟ್ಟ ಇಬ್ಬರು ಪೈಲಟ್‌ಗಳನ್ನು ಅಮಾನತು ಮಾಡ ಲಾಗಿದೆ. ಹೊಸದಿಲ್ಲಿ-ಲೇಹ್‌ ವಿಮಾನದಲ್ಲಿ ಈ ಘಟನೆ ನಡೆದಿತ್ತು.

6 ತಿಂಗಳಲ್ಲಿ ವರದಿಯಾಗಿರುವ 2ನೇ ಪ್ರಕರಣವಾಗಿದೆ. ಈ ಬಗ್ಗೆ ಸಲ್ಲಿಕೆಯಾಗಿದ್ದ ದೂರಿನ ಹಿನ್ನೆಲೆಯಲ್ಲಿ ಪೈಲಟ್‌ ಹಾಗೂ ಕೋ-ಪೈಲಟ್‌ ಇಬ್ಬರ ವಿರುದ್ಧವೂ ಕ್ರಮ ಜರಗಿಸಲಾಗಿದೆ. ಈ ಬಗ್ಗೆ ಏರ್‌ ಇಂಡಿಯಾ ಸದ್ಯಕ್ಕೆ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ. ನಿಯಮಾನುಸರ ಕ್ರಮ ತೆಗೆದುಕೊಳ್ಳುವುದಾಗಿ ನಾಗರಿಕ ವಿಮಾನಯಾನ ಮಹಾ ನಿರ್ದೇಶನಾಲಯ (ಡಿಜಿಸಿಎ) ತಿಳಿಸಿದೆ. ಇದಕ್ಕೂ ಮುನ್ನವೂ ಇದೇ ರೀತಿ ಕಾಕ್‌ಪಿಟ್‌ಗೆ ಸ್ನೇಹಿತರನ್ನು ಅನುಮತಿಸಿದ್ದಕ್ಕಾಗಿ ಪೈಲಟ್‌ ಒಬ್ಬರ ವಿರುದ್ಧ ಕ್ರಮ ಕೈಗೊಳ್ಳಲಾಗಿತ್ತು.