ಸುಶಾಂತ್‌ ಸಾವು ಪ್ರಕರಣ : ಫ್ಲ್ಯಾಕೊ ಬಂಧನಕ್ಕೆ ಎನ್‌ಸಿಬಿ ತಯಾರಿ

ಮುಂಬೈ: ಬಾಲಿವುಡ್‌ನ‌ ಖ್ಯಾತ ನಟ ಸುಶಾಂತ್‌ ಸಿಂಗ್‌ ರಜಪೂತ್‌ ಸಾವಿನ ಪ್ರಕರಣವನ್ನು ತನಿಖೆ ಮಾಡುತ್ತಿರುವ ಭಾರತ ಮಾದಕದ್ರವ್ಯ ನಿಗ್ರಹ ಮಂಡಳಿಗೆ (ಎನ್‌ಸಿಬಿ) ಮುಖ್ಯ ಕೊಂಡಿಯೊಂದು ಸಿಕ್ಕಿದೆ.

ಸುಶಾಂತ್‌ ಸೇರಿ ಭಾರತದ ಗಣ್ಯಾತಿಗಣ್ಯರಿಗೆ ಮಾದಕ ವಸ್ತುಗಳನ್ನು ಪೂರೈಸುತ್ತಿದ್ದ ವ್ಯಕ್ತಿ ದುಬೈನ ಸಾಹಿಲ್‌ ಶಾ ಅಥವಾ ಫ್ಲ್ಯಾಕ್ಕೊ ಎಂದು ಗೊತ್ತಾಗಿದೆ. ಎನ್‌ಸಿಬಿ ಆತನನ್ನು ಬಂಧಿಸಲು ಬಲೆಬೀಸಿದೆ.

ಮೊನ್ನೆ ಸೋಮವಾರ ಎನ್‌ಸಿಬಿ ಮಾಡಿದ ದಿಢೀರ್‌ ದಾಳಿ; ವೇಳೆ ಮುಂಬೈನ ಪಾರೆಲ್‌ ಹಳ್ಳಿಯಲ್ಲಿ ಗಣೇಶ್‌ ಶೇರೆ, ಸಿದ್ಧಾಂತ್‌ ಅಮಿನ್‌ರನ್ನು ಬಂಧಿಸಲಾಗಿತ್ತು. ಈ ಇಬ್ಬರೂ ನೀಡಿದ ಮಾಹಿತಿಯಂತೆ ಮುಂಬೈನ ಮಾಲಡ್‌ನ‌ಲ್ಲಿರುವ ಫ್ಲ್ಯಾಕ್ಕೊ ಫ್ಲ್ಯಾಟ್‌ ಮೇಲೆ ದಾಳಿ ಮಾಡಲಾಗಿತ್ತು. ಆದರೆ ಆ ಹೊತ್ತಿನಲ್ಲಿ ದುಬೈನಲ್ಲಿದ್ದ! ವಿಚಿತ್ರವೆಂದರೆ ಫ್ಲ್ಯಾಕ್ಕೊ ಯಾರು, ಹೇಗಿದ್ದಾನೆ, ಆತನ ಸಂಪರ್ಕ ಸಂಖ್ಯೆಯೇನು ಎನ್ನುವುದು ಇತ್ತೀಚೆಗಿನವರೆಗೆ ಯಾರಿಗೂ ಗೊತ್ತಿರಲಿಲ್ಲ.

ಇದನ್ನೂ ಓದಿ:ರೈಲಿನಡಿ ಹಾರಿ ಪ್ರಾಣ ಕಳೆದುಕೊಂಡ ಕೋವಿಡ್‍ ನಿಂದ ಗುಣಮುಖನಾಗಿದ್ದ ಇಂಜನಿಯರ್