Survey;ಇಂದೇ ಚುನಾವಣೆ ನಡೆದರೆ ಎನ್‌ಡಿಎಗೆ 4 ಪ್ಲಸ್‌, ಐಎನ್‌ಡಿಐಎಗೆ 1 ಸೀಟ್‌ ನಷ್ಟ

ಹೊಸದಿಲ್ಲಿ:ಇಂದೇ ಲೋಕಸಭೆ ಚುನಾವಣೆ ನಡೆದರೆ ಬಿಜೆಪಿ ನೇತೃತ್ವದ ಎನ್‌ಡಿಎ ಹಾಗೂ ಕಾಂಗ್ರೆಸ್‌ ನೇತೃ ತ್ವದ ಐಎನ್‌ಡಿಐಎ ಕೂಟದ ಫ‌ಲಿತಾಂಶ ದಲ್ಲಿ ತೀರಾ ವ್ಯತ್ಯಾಸಗಳೇನೂ ಆಗುವು ದಿಲ್ಲ ಎಂಬ ಅಂಶ “ಇಂಡಿಯಾ ಟುಡೇ’ ಸುದ್ದಿವಾಹಿನಿ ನಡೆಸಿದ ಮೂಡ್‌ ಆಫ್ ನೇಶನ್‌ ಸಮೀಕ್ಷೆಯಲ್ಲಿ ವ್ಯಕ್ತವಾಗಿದೆ.

ಇಂದೇ ಚುನಾವಣೆ ನಡೆದರೆ ಎನ್‌ಡಿಎ 299 ಸೀಟು ಗೆಲ್ಲಬಹುದು. ಈ ವರ್ಷ ನಡೆದ ಲೋಕಸಭೆ ಚುನಾವಣೆಯಲ್ಲಿ ಎನ್‌ಡಿಎ 293 ಸೀಟು ಗೆದ್ದಿತ್ತು. ಅಂದರೆ 6 ಸೀಟು ಹೆಚ್ಚುವರಿ ದೊರೆಯಲಿದೆ. ವಿಪಕ್ಷ ಕೂಟ ಒಂದು ಸೀಟು ಕಳೆದುಕೊಂಡು 233 ಸ್ಥಾನ ಗೆಲ್ಲಬಹುದು. ಕಾಂಗ್ರೆಸ್‌ ಏಕಾಂಗಿಯಾಗಿ 106 ಹಾಗೂ ಬಿಜೆಪಿ 244 ಸೀಟು ಗೆಲ್ಲಬಹುದು. ಅಂದರೆ ಕ್ರಮವಾಗಿ 8 ಮತ್ತು 4 ಸೀಟು ಹೆಚ್ಚಳವಾಗಲಿದೆ.

ಫೆಬ್ರವರಿಯಲ್ಲಿ ನಡೆಸಿದ ಸಮೀಕ್ಷೆಗೆ ಹೋಲಿಸಿದರೆ, ಪ್ರಧಾನಿ ಅಭ್ಯರ್ಥಿಯಾಗಿ ಮೋದಿ ಕೊಂಚ ಹಿನ್ನಡೆ ಅನುಭವಿಸಿದ್ದಾರೆ. ಅವರ ರೇಟಿಂಗ್‌ನಲ್ಲಿ 6 ಪಾಯಿಂಟ್‌ ಕುಸಿತವಾದರೆ, ರಾಹುಲ್‌ ಗಾಂಧಿ ಬಗ್ಗೆ ಶೇ.22.4 ಜನರ ಒಲವಿದ್ದು, 8 ಪಾಯಿಂಟ್‌ ಹೆಚ್ಚಳವಾಗಿದೆ. ಮೋದಿ ಜನಪ್ರಿಯತೆಯು ನಿಧಾನಕ್ಕೆ ಕುಸಿಯುತ್ತಿ ರುವುದು ಸಮೀಕ್ಷೆ ಎತ್ತಿ ತೋರಿಸಿದೆ.