ಸುರೇಶ್‌ ಪ್ರಭುಗೆ ನಾಗರಿಕ ಹೆಚ್ಚುವರಿಯಾಗಿ ವಾಯು ಯಾನ ಖಾತೆ

ಹೊಸದಿಲ್ಲಿ : ಕೇಂದ್ರ ವಾಣಿಜ್ಯ ಮತ್ತು ಕೈಗಾರಿಕಾ ಸಚಿವರಾಗಿರುವ ಸುರೇಶ್‌ ಪ್ರಭು ಅವರಿಗೆ ಹೆಚ್ಚುವರಿಯಾಗಿ ನಾಗರಿಕ ವಾಯು ಯಾನ ಖಾತೆಯನ್ನು ನೀಡಲಾಗಿದೆ.

ಈ ವಾರದ ಆದಿಯಲ್ಲಿ ಕೇಂದ್ರ ಸಚಿವ ಸಂಪುಟದಿಂದ ಟಿಡಿಪಿ ಹೊರಬಂದ ಕಾರಣ ಅಶೋಕ್‌ ಗಜಪತಿ ರಾಜು ಅವರು ನಾಗರಿಕ ವಾಯು ಯಾನ ಸಚಿವ ಪದಕ್ಕೆ ರಾಜೀನಾಮೆ ನೀಡಿದ್ದರು. 

ಪ್ರಧಾನಿ ಮೋದಿ ಅವರು ಒಂದು ದಿನದ ಮಟ್ಟಿಗೆ ಈ ಖಾತೆಯ ಹೊಣೆಗಾರಿಕೆ ವಹಿಸಿದ್ದರು. ಬಳಿಕ ಸುರೇಶ್‌ ಪ್ರಭು ಅವರನ್ನು ನೂತನ ವಾಯುಯಾನ ಸಚಿವರನ್ನಾಗಿ ನೇಮಿಸಲಾಯಿತು. 

ಟಿಡಿಪಿಯ ಇನ್ನೋರ್ವ ಸಂಸದ ವೈ ಎಸ್‌ ಚೌಧರಿ ಅವರು ಕೂಡ ತಾವು ಸಹಾಯಕ ಸಚಿವರಾಗಿ ನಿರ್ವಹಿಸುತ್ತಿದ್ದ ವಿಜ್ಞಾನ ಮತ್ತು ತಂತ್ರಜ್ಞಾನ ಹಾಗೂ ಭೂ ವಿಜ್ಞಾನ ಖಾತೆಗೆ ರಾಜೀನಾಮೆ ನೀಡಿದ್ದರು.