ಜುಲೈ ಅಂತ್ಯದಲ್ಲಿ ಸುರತ್ಕಲ್‌ ಟೋಲ್‌ಗೇಟ್‌ಗೆ ಮುತ್ತಿಗೆ ?

ಸುರತ್ಕಲ್‌: ಸುರತ್ಕಲ್‌ ಟೋಲ್‌ ಕೇಂದ್ರವನ್ನು ತೆರವು ಗೊಳಿಸಲು ಹೆದ್ದಾರಿ ಇಲಾಖೆ,ಇಲ್ಲಿನ ಸಂಸದರು, ಶಾಸಕರು ವಿಫಲರಾಗಿದ್ದು ಮತ್ತೆ ಟೋಲ್‌ಗೇಟ್‌ ಮುತ್ತಿಗೆ ಹೋರಾಟ ಮಾಡಲಾಗುವುದು ಎಂದು ಸುರತ್ಕಲ್‌ ಟೋಲ್‌ ಗೇಟ್‌ ವಿರೋಧಿ ಹೋರಾಟ ಸಮಿತಿ ಸುರತ್ಕಲ್‌ ನಿರ್ಧರಿಸಿದೆ.

ಬುಧವಾರ ಸುರತ್ಕಲ್‌ನಲ್ಲಿ  ಟೋಲ್‌ ವಿರೋಧಿ ಸಂಘಟನೆಗಳ ಸಭೆ ಜರಗಿದ್ದು,   ಜುಲೈ ಕೊನೆಯಲ್ಲಿ ಮುತ್ತಿಗೆ ಹಾಕಲು ನಿರ್ಧರಿಸಿತು.

ಸುರತ್ಕಲ್‌ ಟೋಲ್‌ಗೇಟ್‌ನಲ್ಲಿ ಸುಂಕ ಸಂಗ್ರಹ ಮುಂದುವರಿಯಲು ಸ್ಥಳೀಯ ಸಂಸದ, ಶಾಸಕರೇ ಕಾರಣ ಎಂಬ ಆರೋಪ  ವ್ಯಕ್ತವಾಯಿತು.

ವಸಂತ ಬೆರ್ನಾರ್ಡ್‌ ಅಧ್ಯಕ್ಷತೆ ವಹಿಸಿ ದ್ದರು. ಸಂಚಾಲಕ ಮುನೀರ್‌ ಕಾಟಿಪಳ್ಳ, ವಿವಿಧ ಸಂಘಟನೆಗಳ ಪ್ರಮುಖರಾದ ವೈ. ರಾಘವೇಂದ್ರ ರಾವ್‌, ಮೂಸಬ್ಬ ಪಕ್ಷಿಕೆರೆ, ನ್ಯಾಯವಾದಿ ದಿನೇಶ್‌ ಹೆಗ್ಡೆ ಉಳೆಪಾಡಿ, ಪ್ರತಿಭಾ ಕುಳಾಯಿ, ಹರೀಶ್‌ ಪೇಜಾವರ, ಯೋಗೀಶ್‌ ಕೋಟ್ಯಾನ್‌ ಮೂಲ್ಕಿ, ರಾಜೇಶ್‌ ಪೂಜಾರಿ ಕುಳಾಯಿ, ಟಿ. ಎನ್‌. ರಮೇಶ್‌ ಸುರತ್ಕಲ್‌, ಸಲೀಂ ಶ್ಯಾಡೋ, ರಮೀಝ್ ಪಡುಬಿದ್ರಿ, ಶ್ರೀಕಾಂತ್‌ ಸಾಲ್ಯಾನ್‌, ಶ್ರೀನಾಥ್‌ ಕುಲಾಲ್‌, ರಶೀದ್‌ ಮುಕ್ಕ ಮತ್ತಿತರರಿದ್ದರು.