Supreme Court; ಕೈಗಾರಿಕ ಮದ್ಯಸಾರಕ್ಕೆ ತೆರಿಗೆ ವಿಧಿಸಲು ರಾಜ್ಯಕ್ಕೆ ಅಧಿಕಾರ ಇದೆ

ಹೊಸದಿಲ್ಲಿ: ಕೈಗಾರಿಕ ಮದ್ಯಸಾರ ಸೇರಿದಂತೆ ಎಲ್ಲ ಮಾದರಿಯ ಮದ್ಯಸಾರಕ್ಕೆ ತೆರಿಗೆ ವಿಧಿಸುವ ರಾಜ್ಯಗಳ ಅಧಿಕಾರವನ್ನು ಸುಪ್ರೀಂ ಕೋರ್ಟ್‌ ಗುರುವಾರ ಎತ್ತಿಹಿಡಿದಿದೆ. ಇದು ರಾಜ್ಯಗಳ ಆದಾಯದ ಮೂಲವಾಗಿದ್ದು, 9 ನ್ಯಾಯಮೂರ್ತಿಗಳನ್ನೊಳಗೊಂಡ ಪೀಠ 8- 1ರ ಅನುಪಾತದಲ್ಲಿ ತೀರ್ಪು ನೀಡಿದೆ. ಅಮಲೇರಿಸುತ್ತದೆ ಎಂಬ ಕಾರಣಕ್ಕೆ ಎಲ್ಲ ಆಲ್ಕೋಹಾಲ್‌ಗ‌ಳನ್ನು ಒಂದೇ ಮಾನದಂಡದಡಿಯಲ್ಲಿ ನೋಡಲು ಸಾಧ್ಯವಿಲ್ಲ ಎಂದು ನ್ಯಾಯಪೀಠ ಹೇಳಿದೆ. ಈ ಮೂಲಕ 1990ರಲ್ಲಿ ಕೈಗಾರಿಕ ಆಲ್ಕೋಹಾಲ್‌ಗೆ ರಾಜ್ಯಗಳು ತೆರಿಗೆ ವಿಧಿಸಲು ಸಾಧ್ಯವಿಲ್ಲ ಎಂದು ನೀಡಿದ್ದ ತನ್ನದೇ ತೀರ್ಪನ್ನು ರದ್ದು ಮಾಡಿದೆ. ಈ ಆದೇಶದ ಬಳಿಕ ರಾಜ್ಯಗಳು ಕೈಗಾರಿಕ ಆಲ್ಕೋಹಾಲ್‌ ಉತ್ಪಾದನೆ ಮತ್ತು ಮಾರಾಟವನ್ನು ನಿಯಂತ್ರಿಸುವ ಜತೆಗೆ, ತೆರಿಗೆಯನ್ನೂ ವಿಧಿಸಬಹುದಾಗಿದೆ.