ಕದ್ದಾಲಿಕೆಗೆ ಸುಪ್ರೀಂ ಕಿಡಿ

ಹೊಸದಿಲ್ಲಿ: ಪೊಲೀಸ್‌ ಅಧಿಕಾರಿ ಫೋನ್‌ ಟ್ಯಾಪಿಂಗ್‌ ಪ್ರಕರಣ ಸಂಬಂಧ ಛತ್ತೀಸ್‌ಗಡ ರಾಜ್ಯ ಸರಕಾರಕ್ಕೆ ಸುಪ್ರೀಂ ಕೋರ್ಟ್‌ ನೋಟಿಸ್‌ ಜಾರಿ ಮಾಡಿದೆ. ರಾಜ್ಯದ ಹಿರಿಯ ಐಪಿಎಸ್‌ ಅಧಿಕಾರಿ ಹಾಗೂ ಅವರ ಕುಟುಂಬದವರ ದೂರವಾಣಿ ಕದ್ದಾಲಿಕೆ ಅರ್ಜಿಯ ವಿಚಾರಣೆ ನಡೆಸಿದ ಸುಪ್ರೀಂ ಕೋರ್ಟ್‌, ಇದು ವೈಯಕ್ತಿಕ ಸ್ವಾತಂತ್ರ್ಯದ ಉಲ್ಲಂಘನೆಯಾಗಿದೆ. ಇದರ ಅಗತ್ಯವೇನಿತ್ತು, ದೇಶದಲ್ಲಿ ಏನಾಗುತ್ತಿದೆ?, ಇಲ್ಲಿ ಯಾರಿಗೂ ಖಾಸಗಿತನವೇ ಇಲ್ಲವೇ? ಫೋನ್‌ ಕದ್ದಾಲಿಕೆಗೆ ಯಾರು ಆದೇಶ ನೀಡಿದ್ದು?, ಇವೆಲ್ಲವನ್ನೂ ತಿಳಿದುಕೊಳ್ಳಬೇಕಿದೆ. ಈ ಕುರಿತು ಅಫಿಡವಿಟ್‌ ಸಲ್ಲಿಸಿ ಎಂದು ರಾಜ್ಯ ಸರಕಾರಕ್ಕೆ ನಿರ್ದೇಶನ ನೀಡಿದೆ. ಛತ್ತೀಸ್‌ಗಡದ ಐಪಿಎಸ್‌ ಅಧಿಕಾರಿ ಮುಕೇಶ್‌ ಗುಪ್ತ ಅವರು ತಮ್ಮ ಫೋನ್‌ ಕದ್ದಾಲಿಕೆ ವಿರುದ್ಧ ನ್ಯಾಯಾಲಯದ ಮೊರೆ ಹೋಗಿದ್ದರು.