ಶಾಶ್ವತ ಆಯೋಗ ತೀರ್ಪಿನಲ್ಲಿ ಯಾವುದೇ ಮಾರ್ಪಾಟಿಲ್ಲ: ಸುಪ್ರೀಂ ಕೋರ್ಟ್ ಸ್ಪಷ್ಟನೆ

ನವದೆಹಲಿ: ಭಾರತೀಯ ಸೇನೆಯಲ್ಲಿ ಶಾರ್ಟ್‌ ಸರ್ವೀಸ್‌ ಕಮೀಷನ್‌ (ಎಸ್‌ಎಸ್‌ಸಿ) ಅಡಿಯಲ್ಲಿ ನೇಮಕವಾಗಿ ಸೇವೆ ಸಲ್ಲಿಸುತ್ತಿರುವ ಮಹಿಳಾ ಅಧಿಕಾರಿಗಳನ್ನು ಶಾಶ್ವತ ಆಯೋಗದಡಿ ಪರಿಗಣಿಸುವಂತೆ ಕಳೆದ ವರ್ಷ ತಾನು ನೀಡಿದ್ದ ಐತಿಹಾಸಿಕ ತೀರ್ಪಿನಲ್ಲಿ ಯಾವುದೇ ಬದಲಾವಣೆ ಮಾಡುವುದಿಲ್ಲ ಎಂದು ಸುಪ್ರೀಂ ಕೋರ್ಟ್‌ ಸ್ಪಷ್ಟಪಡಿಸಿದೆ.

2020ರ ಫೆ.17ರಂದು ಈ ತೀರ್ಪು ಹೊರಬೀಳುವ ಮುನ್ನವೇ ಲೆ. ಕರ್ನಲ್‌ ಪ್ರಿಯಂವದಾ ಎ. ಮಾರ್ಡಿಕರ್ ಎಂಬುವರು ಸೇವೆಯಿಂದ ನಿವೃತ್ತಿಯಾಗಿದ್ದರು. ಹಾಗಾಗಿ, ತೀರ್ಪಿಗೂ ಮೊದಲೇ ನಿವೃತ್ತಿಯಾದವರನ್ನು ಶಾಶ್ವತ ಆಯೋಗದ ವ್ಯಾಪ್ತಿಗೆ ತರುವ ರೀತಿಯಲ್ಲಿ ತೀರ್ಪನ್ನು ತಿದ್ದುಪಡಿ ಮಾಡಬೇಕೆಂದು ಅವರು ನ್ಯಾಯಾಲಯವನ್ನು ಕೋರಿದ್ದರು. ಆದರೆ, ಅವರ ವಾದವನ್ನು ನ್ಯಾಯಪೀಠ ಪುರಸ್ಕರಿಸಲಿಲ್ಲ. ಬದಲಿಗೆ, ಪ್ರಿಯಂವದಾ ಅವರಿಗೆ ತಮ್ಮ ಅಹವಾಲನ್ನು ಸಶಸ್ತ್ರ ಪಡೆಗಳ ನ್ಯಾಯಾಧಿಕರಣದಲ್ಲಿ ಸಲ್ಲಿಸುವಂತೆ ಸೂಚಿಸಿತು.

ಇದನ್ನೂ ಓದಿ:80 ಕೋಟಿ ರೂ. ಕರೆಂಟ್ ಬಿಲ್ ನೋಡಿ ಆಸ್ಪತ್ರೆ ಸೇರಿದ ವೃದ್ದ : ನಡೆದಿದ್ದು ಎಲ್ಲಿ ಗೊತ್ತಾ ?