ಕೊಲಿಜಿಯಂ ಸಭೆಯಲ್ಲಿನ್ಯಾ.ಜೋಸೆಫ್ ಬಗ್ಗೆ ಚರ್ಚೆ?

ಹೊಸದಿಲ್ಲಿ: ಮುಖ್ಯ ನ್ಯಾಯಮೂರ್ತಿ ದೀಪಕ್‌ ಮಿಶ್ರಾ ನೇತೃತ್ವದ ಸುಪ್ರೀಂಕೋರ್ಟ್‌ನ ನ್ಯಾಯ ಮೂರ್ತಿಗಳ ಉನ್ನತಾಧಿಕಾರದ ಸಮಿತಿ (ಕೊಲೀಜಿಯಂ)ಬುಧವಾರ ಸಭೆ ನಡೆಸಲಿದೆ. ಈ ಸಂದರ್ಭದಲ್ಲಿ ಉತ್ತರಾಖಂಡ ಹೈಕೋರ್ಟ್‌ ಮುಖ್ಯ ನ್ಯಾಯಮೂರ್ತಿ ಕೆ.ಎಂ.ಜೋಸೆಫ್ರನ್ನು ಸುಪ್ರೀಂ ಕೋರ್ಟ್‌ಗೆ ನೇಮಕ ಮಾಡುವ ಕಡತವನ್ನು ಕೇಂದ್ರ ಸರ್ಕಾರ ವಾಪಸ್‌ ಕಳುಹಿಸಿರುವುದರ ಬಗ್ಗೆ ಚರ್ಚೆ ನಡೆಯಲಿದೆ ಎಂದು ಹೇಳಲಾಗಿದೆ. 

ಸಭೆಯ ಬಗ್ಗೆ ಕಾರ್ಯಸೂಚಿಯನ್ನು ಸದಸ್ಯರಿಗೆ ನೀಡಲಾಗಿಲ್ಲ. ಆದರೆ ಬುಧವಾರ ಕೊಲೀಜಿಯಂ ಸದಸ್ಯರೆಲ್ಲರೂ ಸೇರಿ ಸಭೆ ನಡೆಸುವ ತೀರ್ಮಾನ ವನ್ನು ಸಿಜೆಐ ಕೈಗೊಂಡಿದ್ದಾರೆ ಎನ್ನಲಾಗಿದೆ.  

ನ್ಯಾ.ಜೋಸೆಫ್ರನ್ನು ಸುಪ್ರೀಂ ನ್ಯಾಯಮೂರ್ತಿ ಯನ್ನಾಗಿ ನೇಮಕಮಾಡಿ ಶಿಫಾರಸು ಮಾಡಿದ್ದರಿಂದ ಹಿಂದೆ ಸರಿಯಲೇಬಾರದು ಎಂದು  ನಿವೃತ್ತ ನ್ಯಾಯಮೂರ್ತಿಗಳು, ಪ್ರತಿಪಕ್ಷಗಳು ಕೊಲೀಜಿ ಯಂಗೆ ಈಗಾಗಲೇ ಒತ್ತಡ ಹೇರಿವೆ.