ಬಡ್ಡಿ ದರದ ಯಥಾಸ್ಥಿತಿ ಅಭಿವೃದ್ಧಿಗೆ ಪೂರಕ

ಬೆಂಗಳೂರು: ರಿಸರ್ವ್‌ ಬ್ಯಾಂಕ್‌ ಆಫ್‌ ಇಂಡಿಯಾ (ಆರ್‌ಬಿಐ) ವಾಣಿಜ್ಯ ಬ್ಯಾಂಕುಗಳಿಗೆ ನೀಡುವ ಅಲ್ಪಾವಧಿ ಬಡ್ಡಿ ದರ (ರೆಪೋ)ಗಳಲ್ಲಿ ಯಥಾಸ್ಥಿತಿ ಕಾಯ್ದುಕೊಂಡಿರುವುದು ಬ್ಯಾಂಕುಗಳ ಬೆಳವಣಿಗೆಗೆ ಪೂರಕವಾಗಲಿದೆ ಎಂದು ಸಿಂಡಿಕೇಟ್‌ ಬ್ಯಾಂಕ್‌ ವ್ಯವಸ್ಥಾಪಕ ನಿರ್ದೇಶಕ ಮತ್ತು ಸಿಇಒ ಮೆಲ್ವಿನ್‌ ರೇಗೊ ತಿಳಿಸಿದ್ದಾರೆ.

ಆರ್‌ಬಿಐನ ಈ ನಿರ್ಧಾರ ನಿರೀಕ್ಷಿತ ರೀತಿಯಲ್ಲಿದ್ದು, ಪ್ರಸಕ್ತ ಹಣಕಾಸು ವರ್ಷದ ಪ್ರಥಮಾರ್ಧದಲ್ಲಿ ಆರ್ಥಿಕ ವೃದ್ಧಿ ದರವು ಶೇ.7.30 ರಿಂದ ಶೇ.7.4ರಷ್ಟು ಮತ್ತು ದ್ವಿತೀಯಾರ್ಧದಲ್ಲಿ ಶೇ.7.30 ರಿಂದ ಶೇ.7.6 ರವರೆಗಿರಲಿದೆ. ಹಣದುಬ್ಬರವು ಸಹ ನಿಯಂತ್ರಣ ಮಟ್ಟದಲ್ಲಿ ಇರಲಿದೆ ಎಂದಿದ್ದಾರೆ.