ಸಂಜುವಾನ್‌ ಎನ್‌ಕೌಂಟರ್‌: ಮತ್ತೋರ್ವ ಯೋಧನ ಶವ ಪತ್ತೆ, ಬಲಿ 10

ಜಮ್ಮು : ಸಂಜುವಾನ್‌ ಮಿಲಿಟರಿ ಕ್ಯಾಂಪ್‌ ನೊಳಗೆ ಎನ್‌ಕೌಂಟರ್‌ ನಡೆದಿದ್ದ ಸ್ಥಳದಲ್ಲಿ ಇಂದು ಇನ್ನೋರ್ವ ಯೋಧನ ಶವ ಪತ್ತೆಯಾಗುವುದರೊಂದಿಗೆ ಉಗ್ರರ ದಾಳಿಗೆ ಮೃತಪಟ್ಟವರ ಸಂಖ್ಯೆ 10ಕ್ಕೆ ಏರಿದೆ.

ಈ 10ರಲ್ಲಿ ಆರು ಮಂದಿ ಸೇನಾ ಸಿಬಂದಿಗಳು, ಮೂವರು ಜೆಇಎಂ, ಉಗ್ರರು ಮತ್ತು ಓರ್ವ ಪೌರ ಸೇರಿದ್ದಾರೆ. 

ಸಂಜುವಾನ್‌ ಸೇನಾ ಶಿಬಿರದಲ್ಲಿ ಎನ್‌ಕೌಂಟರ್‌ ನಡೆದಿದ್ದ ತಾಣದಲ್ಲಿ  ನಿನ್ನೆ ಶೋಧ ಕಾರ್ಯಾಚರಣೆ ನಡೆಸಿದಾಗ ಯೋಧನ ಶವ ಪತ್ತೆಯಾಯಿತು ಎಂದು ಜಮ್ಮು ಮೂಲದ ಸೇನಾ ಸಾರ್ವಜನಿಕ ಸಂಪರ್ಕಾಧಿಕಾರಿ ಲೆ| ಕ| ದೇವೇಂದರ್‌ ಆನಂದ್‌ ತಿಳಿಸಿದರು. 

ಕಳೆದ ಫೆ.10ರಂದು ಜಮ್ಮು  ಕಾಶ್ಮೀರದ ಸಂಜುವಾನ್‌ ಸೇನಾ ಶಿಬಿರದ ಮೇಲೆ ಜೆಇಎಂ ಉಗ್ರರು ದಾಳಿ ನಡೆಸಿ 10 ಯೋಧರನ್ನು ಕೊಂದಿದ್ದರು.