ಸುನಂದಾ ಕೇಸ್‌: ಸ್ವಾಮಿ ದೂರು ವಜಾ

ಹೊಸದಿಲ್ಲಿ: ಕಾಂಗ್ರೆಸ್‌ ಸಂಸದ ಶಶಿ ತರೂರ್‌ ಪತ್ನಿ ಸುನಂದಾ ಪುಷ್ಕರ್‌ ಸಾವಿನ ತನಿಖೆಗಾಗಿ ನ್ಯಾಯಾಲಯ ನಿರ್ದೇಶಿತ ಎಸ್‌ಐಟಿ ಸ್ಥಾಪಿಸುಂತೆ ಕೋರಿ ಬಿಜೆಪಿ ಮುಖಂಡ ಸುಬ್ರಮಣಿಯನ್‌ ಸ್ವಾಮಿ ಸಲ್ಲಿಸಿದ ದೂರನ್ನು ದಿಲ್ಲಿ ಹೈಕೋರ್ಟ್‌ ತಳ್ಳಿಹಾಕಿದೆ. ಇದು ರಾಜಕೀಯ ಹಿತಾಸಕ್ತಿ ದಾವೆ ಎಂಬುದಕ್ಕೆ ಉತ್ತಮ ಉದಾಹರಣೆ ಎಂದು ನ್ಯಾ| ಎಸ್‌. ಮುರಳೀಧರ್‌ ಮತ್ತು ಐ.ಎಸ್‌.ಮೆಹ್ತಾ ಒಳಗೊಂಡ ನ್ಯಾಯಪೀಠ ಹೇಳಿದೆ. ದಿಲ್ಲಿ ಪೊಲೀಸರು ಮತ್ತು ತರೂರ್‌ ವಿರುದ್ಧ ದೂರುದಾರರು ಆರೋಪ ಮಾಡಿದ್ದು, ಇದಕ್ಕೆ ಯಾವುದೇ ಸಾಕ್ಷ್ಯವಿಲ್ಲ. ಇನ್ನು ಮುಂದೆ ಊಹೆಯ ಆಧಾರದಲ್ಲಿ ಸಾರ್ವಜನಿಕ ಹಿತಾಸಕ್ತಿ ಸಲ್ಲಿಸದಂತೆ ಸ್ವಾಮಿಗೆ ಕೋರ್ಟ್‌ ಸೂಚಿಸಿದೆ.