ಬಿಸಿಲ ಝಳಕ್ಕೆ ಬೆಂದ ಕಾರ್ಮಿಕನ ದೇಹ

ಬದಿಯಡ್ಕ : ತೀವ್ರ ಬಿಸಿಲಿನ ತಾಪದಿಂದ ಉದ್ಯೋಗ ಖಾತರಿ ಯೋಜನೆ ಕಾರ್ಮಿಕನ ದೇಹದಲ್ಲಿ ಸುಟ್ಟ ಗಾಯಗಳು ಕಾಣಿಸಿಕೊಂಡಿವೆ. ಆದೂರು 17 ನೇ ಮೈಲು ನಿವಾಸಿ ಸಂಜೀವ ಭಂಡಾರಿ (65) ಎಂಬಿವರ ದೇಹದಲ್ಲಿ ಗಾಯ ಕಾಣಿಸಿಕೊಂಡಿದೆ.

ಇತ್ತೀಚಿಗೆ ಸಂಜೀವ ಭಂಡಾರಿಯವರು ಉದ್ಯೋಗ ಖಾತರಿ ಯೋಜನೆಯ ಕೆಲಸಕ್ಕೆ ತೆರಳಿದ್ದರು. ಅಂದು ಸಂಜೆಯೊಳಗೆ ಇವರ ದೇಹದಲ್ಲಿ ಗುಳ್ಳೆಗಳು ಹಾಗೂ ಸುಟ್ಟ ರೀತಿಯ ಗಾಯಗಳು ಕಾಣಿಸಿಕೊಂಡಿದೆ. ಮುಳ್ಳೇರಿಯ ಹಾಗೂ ಕಾಸರಗೋಡು ಸರಕಾರಿ ಆಸ್ಪತ್ರೆಯಲ್ಲಿ ಬಿಸಿಲಿನ ತಾಪದ ಪರಿಣಾಮವೇ ಇವರ ದೇಹದಲ್ಲಿ ಗಾಯಗಳುಂಟಾಗಿದೆಯೆಂದು ವೈದ್ಯರು ತಿಳಿಸಿದ್ದಾರೆ.

ಸದ್ಯ ಸಂಜೀವ ಭಂಡಾರಿಯವರು ಮನೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಕಾರಡ್ಕ ಗ್ರಾ.ಪಂ. ಸದಸ್ಯೆ ಜನನಿ, ಬಿಜೆಪಿ ಪಂಚಾಯತ್‌ ಅಧ್ಯಕ್ಷ ವಸಂತ. ಕೆ. ಮೊದಲಾದವರು ಇವರ ಮನೆಗೆ ಭೇಟಿ ನೀಡಿದರು.