Sullia: ಅಕ್ರಮ ಗೋ ಸಾಗಾಟ ಪತ್ತೆ

ಸುಳ್ಯ: ಗೋ ಸಾಗಾಟಕ್ಕೆ ಯಾವುದೇ ಪರವಾನಿಗೆ ಪಡೆಯದೇ ಅಕ್ರವಾಗಿ ಗೋ ಸಾಗಾಟ ನಡೆಸುತ್ತಿದ್ದ ಪಿಕಪ್‌ ವಾಹನವನ್ನು ಪತ್ತೆ ಹಚ್ಚಿ ವಶಕ್ಕೆ ಪಡೆದ ಘಟನೆ ಸುಳ್ಯದ ಸೋಣಂಗೇರಿ ಬಳಿ ಮಂಗಳವಾರ ನಡೆದಿದೆ.

ಪಿಕಪ್‌ನಲ್ಲಿ ಗೋಸಾಗಾಟ ನಡೆಸುತ್ತಿರುವ ಮಾಹಿತಿ ಪಡೆದ ಪೋಲೀಸರು ವಾಹನವನ್ನು ತಡೆದು ಪರಿಶೀಲಿಸಿದ ವೇಳೆ ಸಾಗಾಟಕ್ಕೆ ಯಾವುದೇ ಅನುಮತಿ ಪಡೆದಿರುವುದು ಕಂಡುಬಂದಿಲ್ಲ. ಪಿಕಪ್‌ನಲ್ಲಿ ಒಂದು ಜರ್ಸಿ ದನ ಹಾಗೂ ಒಂದು ಕರು ಕಂಡುಬಂದಿತ್ತು. ಗೋವುಗಳನ್ನು ಹಾಗೂ ವಾಹನವನ್ನು ಪೊಲೀಸರು ವಶಕ್ಕೆ ಪಡೆದರು. ಮರ್ಕಂಜದ ವ್ಯಕ್ತಿಯೊಬ್ಬರು ತಮ್ಮ ಮನೆಯಿಂದ ಪುತ್ತೂರಿಗೆ ಗೋವನ್ನು ಸಾಕಲು ಕೊಂಡೊಯ್ಯುತ್ತಿದ್ದರು ಎಂದು ತಿಳಿದುಬಂದಿದೆ.