Sullia: ಐಸ್‌ಕ್ರೀಂ ಸೆಂಟರ್‌ನಲ್ಲಿ ಗದ್ದಲ

ಸುಳ್ಯ: ಇಲ್ಲಿನ ಜೂನಿಯರ್‌ ಕಾಲೇಜ್‌ ರಸ್ತೆಯಲ್ಲಿರುವ ಐಸ್‌ಕ್ರೀಂ ಮತ್ತು ಜ್ಯೂಸ್‌ ಸೆಂಟರ್‌ಗೆ ಬಂದ ಗ್ರಾಹಕರೊಬ್ಬರು ಐಸ್‌ಕ್ರೀಂನಲ್ಲಿ ಹಲ್ಲು ಇತ್ತೆಂಬ ವಾದ ಮಂಡಿಸಿದ್ದರಿಂದ ಮಾಲಕ, ಗ್ರಾಹಕ ಹಾಗೂ ಸ್ಥಳೀಯರ ನಡುವೆ ಮಾತಿನ ಚಕಮಕಿ ನಡೆದು, ಹಲ್ಲೆಗೆ ಮುಂದಾದರು. ಈ ವೇಳೆ ಸ್ಥಳಕ್ಕೆ ಪೋಲೀಸರು ಬಂದು ಇಬ್ಬರನ್ನು ಠಾಣೆಗೆ ಕರೆದೊಯ್ದರು.

ಸುಳ್ಯ ಕೇರ್ಪಳದಲ್ಲಿ ವಾಸವಿರುವ ವ್ಯಕ್ತಿಯೊಬ್ಬರು ಐಸ್‌ಕ್ರೀಂನಲ್ಲಿ ಹಲ್ಲು ಇತ್ತೆಂದು ವಾದ ಮಾಡಿದ್ದರು. ಈ ವೇಳೆ ಮಾಲಕರು ಅವರಲ್ಲಿ ವಿವರ ಕೇಳಿದಾಗ ಅವರು ಮಾಲಕರನ್ನು ದೂಡಲು ಯತ್ನಿಸಿದಾಗ ಸ್ಥಳೀಯರೊಬ್ಬರು ತಡೆಯಲು ಬಂದರು. ಈ ವೇಳೆ ತಳ್ಳಾಟ, ಮಾತಿನ ಚಕಮಕಿ ನಡೆದಿತ್ತು.