ಹಾರುತ್ತಲೇ ಭದೌರಿಯಾಗೆ ಗೌರವ ಸಲ್ಲಿಸಿದ ಸುಖೋಯ್‌

ಹೊಸದಿಲ್ಲಿ: ಉತ್ತರ ಪ್ರದೇಶದ ಹಿಂಡನ್‌ ವಾಯುನೆಲೆಯಲ್ಲಿ ಸುಖೋಯ್‌-30 ಎಂಕೆಐ ಯುದ್ಧ ವಿಮಾನ ಶರವೇಗದಿಂದ ನಭದಿಂದ ಕೆಳಕ್ಕೆ ಬಂದು ಐಎಎಫ್ ಮುಖ್ಯಸ್ಥ ಏರ್‌ಚೀಫ್ ಮಾರ್ಷಲ್‌ ಆರ್‌.ಕೆ.ಎಸ್‌.ಭದೌರಿಯಾಗೆ ಗೌರವ ವಂದನೆ ಸಲ್ಲಿಸಿದೆ. “ವರ್ಟಿಕಲ್‌ ಚಾರ್ಲಿ’ ಎಂದು ಕರೆಯಲಾಗುವ ಸಾಹಸದ ವೇಳೆ ಈ ಗೌರವ ವಂದನೆ ಸಲ್ಲಿಸಲಾಗಿದೆ.

ಐಎಎಫ್ನ 87ನೇ ವಾರ್ಷಿಕ ದಿನ ಪ್ರಯುಕ್ತ ನಡೆಸಲಾಗುವ ಪೂರ್ಣ ಪ್ರಮಾಣದ ಪರೇಡ್‌ನ‌ ಪೂರ್ವಭಾವಿ ಸಿದ್ಧತೆಯ ಅಂಗವಾಗಿ ಅದನ್ನು ನಡೆಸಲಾಗಿದೆ. 2 ಸೀಟ್‌ಗಳ ವಿಮಾನ ಕೆಳಗಿನ ಹಂತದಿಂದ ಆಗಸದಲ್ಲಿ ಹಲವು ಬಾರಿ ಸುತ್ತು ಹೊಡೆದು, ನಂತರ ನಿಗದಿತ ಎತ್ತರಕ್ಕೆ ಹಾರುವ ಮೂಲಕ ಮೈನವಿರೇಳಿಸುವ ಸಾಹಸ ಪ್ರದರ್ಶಿಸಲಾಗಿದೆ.