ಏಕಾಏಕಿ ಬಂದ ನೀರು: ಹಳ್ಳದ ಮಧ್ಯೆ ಸಿಲುಕಿಕೊಂಡ ಐವರು ರೈತರು

ಕೊಪ್ಪಳ: ಹಳ್ಳದಲ್ಲಿ ಏಕಾಏಕಿ ನೀರು ಬಂದ ಕಾರಣ ಐವರು ರೈತರು ಹಳ್ಳದ ನಡುವೆ ಸಿಲುಕಿಕೊಂಡ ಘಟನೆ ಹಿರೇಹಳ್ಳದಲ್ಲಿ ನಡೆದಿದೆ.

ಕೊಪ್ಪಳ ತಾಲೂಕಿನ ಕೋಳೂರು ಗ್ರಾಮದ ಬಳಿ ಈ ಘಟನೆ ನಡೆದಿದ್ದು, ಮಹಾಂತೇಶ ಡೊಳ್ಳಿನ, ರಮೇಶ ಡೊಳ್ಳಿನ, ಬಸವರಾಜ ಗೊಂದಿಹೊಸಳ್ಳಿ, ಬಸವರಾಜ ಹುಯಿಲಗೋಳ, ಕೆಂಚಪ್ಪ ಕುರಬರ ಸಿಲುಕಿಕೊಂಡಿದ್ದಾರೆ.

ಹಳ್ಳದ ದಡದಲ್ಲಿರುವ ಕೃಷಿ ಪಂಪು ಸೆಟ್ ತೆಗೆಡಿದಲು ಈ ರೈತರು ನೀರು ಕಡಿಮೆ ಇದ್ದ ವೇಳೆ ಹೋಗಿದ್ದಾರೆ. ಆದರೆ ಏಕಾಏಕಿ ಹಿರೇಹಳ್ಳದಿಂದ ನೀರು ಬಿಡಲಾಗಿದೆ. ಹೀಗಾಗಿ ರೈತರು ನಡುವಲ್ಲಿ ಸಿಲುಕಿಕೊಂಡಿದ್ದಾರೆ.

ಇದನ್ನೂ ಓದಿ:ಬ್ರಿಟನ್ ರಾಣಿ ಎಲಿಜಬೆತ್ II ಯುಗಾಂತ್ಯ: ದೀರ್ಘಕಾಲದ ಬಳಿಕ ಚಾರ್ಲ್ಸ್ ಮುಡಿಗೆ ರಾಜ ಕಿರೀಟ

ಸ್ಥಳಕ್ಕೆ ಅಗ್ನಿ ಶಾಮಕ ದಳ ಆಗಮಿಸಿದ್ದು, ತಹಶಿಲ್ದಾರ್ ವಿಠ್ಠಲ್ ಭೇಟಿ ನೀಡಿದ್ದಾರೆ.