Subramanya ಹಿಂಸಾತ್ಮಕವಾಗಿ ಜಾನುವಾರು ಸಾಗಾಟ; ಓರ್ವ ಪೊಲೀಸರ ವಶಕ್ಕೆ

ಸುಬ್ರಹ್ಮಣ್ಯ: ಹಿಂಸಾತ್ಮಕವಾಗಿ ಜಾನುವಾರುಗಳನ್ನು ಅಕ್ರಮವಾಗಿ ವಾಹನದಲ್ಲಿ ಸಾಗಿಸಿದ ಆರೋಪದಲ್ಲಿ ಸುಬ್ರಹ್ಮಣ್ಯ ಪೊಲೀಸರು ಓರ್ವನನ್ನು ವಶಕ್ಕೆ ಪಡೆದಿದ್ದಾರೆ.

ಸುಬ್ರಹ್ಮಣ್ಯ ಎಸ್‌ಐ ಕಾರ್ತಿಕ್‌ ಹಾಗೂ ಸಿಬಂದಿ ಡಿ. 31ರಂದು ಗುತ್ತಿಗಾರು ಚರ್ಚ್‌ ಬಳಿ ಕರ್ತವ್ಯದಲ್ಲಿದ್ದಾಗ ಬಂದ ಜೀಪನ್ನು ತಡೆದು ಪರಿಶೀಲಿಸಿದ್ದು, ವಾಹನದಲ್ಲಿ ಒಂದು ಹೋರಿಯನ್ನು ಹಿಂಸಾತ್ಮಕ ರೀತಿಯಲ್ಲಿ ಹಗ್ಗದಿಂದ ಕಾಲುಗಳನ್ನು ಕಟ್ಟಿ ಹಾಕಿರುವುದು ಕಂಡು ಬಂದಿತು. ಜೀಪಿನಲ್ಲಿದ್ದ ಸನತ್‌ ಕುಮಾರ್‌ (61) ಗೂನಡ್ಕ ಎಂಬಾತನನ್ನು ಜೀಪ್‌ ಸಹಿತ ವಶಕ್ಕೆ ಪಡೆಯಲಾಗಿದೆ.

ಸುಬ್ರಹ್ಮಣ್ಯ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.