ಶುಭಂಕರ್‌ ಡೇ ಮುನ್ನಡೆ

ಬಾಸೆಲ್‌: ಪುರುಷರ ಸಿಂಗಲ್ಸ್‌ ವಿಭಾಗದ ದ್ವಿತೀಯ ಸುತ್ತಿನ ಪಂದ್ಯದಲ್ಲಿ ಶುಭಂಕರ್‌ ಡೇ ಕ್ವಾರ್ಟರ್‌ ಫೈನಲ್‌ ಪ್ರವೇಶಿಸಿದ್ದಾರೆ.

ಗುರುವಾರ ನಡೆದ ಪಂದ್ಯದಲ್ಲಿ ಶುಭಂಕರ್‌ ಡೇ ಇಂಡೋನೇಶ್ಯದ ಜೋನಾಥನ್‌ ಕ್ರಿಸ್ಟಿ ಅವರನ್ನು 12-21, 21-20, 21-17 ಗೇಮ್‌ಗಳಿಂದ ಸೋಲಿಸಿದರು. ಮೊದಲ ಗೇಮ್‌ನಲ್ಲಿ ನಿಧಾನಗತಿಯ ಆಟವಾಡಿದ ಶುಭಂಕರ್‌ ಭಾರೀ ಅಂತರದಲ್ಲಿ ಸೋತರು. ದ್ವಿತೀಯ ಗೇಮ್‌ನಲ್ಲಿ ಇಬ್ಬರ ನಡುವೆ ತೀವ್ರ ಪೈಪೋಟಿ ನಡೆಯಿತು. ಎಚ್ಚರಿಕೆಯ ಆಟವಾಡಿದ ಶುಭಂಕರ್‌ ಈ ಗೇಮ್‌ ತಮ್ಮದಾಗಿಸಿಕೊಂಡರು. ಕೊನೆಯ ಗೇಮ್‌ನ ಆರಂಭದಲ್ಲೇ ಹಿಡಿತ ಸಾಧಿಸಿದ ಶುಭಂಕರ್‌ ಡೇ 21-17 ಅಂತರದಿಂದ ಗೆದ್ದು ಕ್ವಾರ್ಟರ್‌ ಪೈನಲ್‌ ಪ್ರವೇಶಿಸಿದರು. ಕ್ವಾರ್ಟರ್‌ ಪೈನಲ್‌ನಲ್ಲಿ ಅವರು ವಿಶ್ವದ 5ನೇ ರ್‍ಯಾಂಕಿಂಗ್‌ ಆಟಗಾರ, ಚೀನದ ಚಿನ್‌ ಲಾಂಗ್‌ ವಿರುದ್ಧ ಆಡಲಿದ್ದಾರೆ.

ಮಿಕ್ಸೆಡ್‌ ಡಬಲ್ಸ್‌ ವಿಭಾಗದಲ್ಲಿ ಎಂ.ಆರ್‌. ಅರ್ಜುನ್‌-ಮನೀಷಾ ಕೆ. ಜೋಡಿ ಭಾರತದವರೇ ಆದ ಪ್ರಣಮ್‌ ಜೆರ್ರಿ ಜೋಪ್ರಾ-ಎನ್‌. ಸಿಕ್ಕಿ ರೆಡ್ಡಿ ಜೋಡಿ ವಿರುದ್ಧ 21-16, 16-21, 21-15 ಗೇಮ್‌ಗಳಿಂದ ಗೆದ್ದರು. ಮುಂದಿನ ಪಂದ್ಯದಲ್ಲಿ ಈ ಜೋಡಿ ಡೆನ್ಮಾರ್ಕ್‌ನ ಮ್ಯಾಥಿಯಾಸ್‌ ಬೆ-ಸ್ಮಿಡ್‌r-ರಿಕ್ಕಿ ಸೊಬಿ ಜೋಡಿಯನ್ನು ಎದುರಿಸಲಿದೆ.