ಸಾವಿನ ಬಾವಿಯಲ್ಲಿ ಬೈಕ್‌ ಸ್ಟಂಟ್‌:ಸಾಹಸಿಗ ಬಲಿ;ಕೊನೆ ಕ್ಷಣದ ವಿಡಿಯೋ

 ಭುವನೇಶ್ವರ : ಒಡಿಶಾದ ಕೊರಾಪುಟ್‌ ಜಿಲ್ಲೆಯ ಜೆಪೋರ್‌ ಎಂಬಲ್ಲಿ ಮೌತ್‌ ಕಾ ಕುವಾನ್‌ (ಸಾವಿನ ಬಾವಿ ) ಶೋ ವೇಳೆ ಬೈಕ್‌ ಸ್ಟಂಟ್‌ ಮಾಡುತ್ತಿದ್ದ ಸಾಹಸಿಗನೊಬ್ಬ ದಾರುಣವಾಗಿ ಸ್ಥಳದಲ್ಲೇ ಸಾವನ್ನಪ್ಪಿದ ಘಟನೆ ಮೇ 13 ರಂದು ನಡೆದಿದೆ. ಇದೀಗ ದುರಂತದ ವಿಡಿಯೋ ಸಾಮಾಜಿಕ ತಾಣಗಳಲ್ಲಿ ವೈರಲ್‌ ಆಗಿ ಹರಿದಾಡುತ್ತಿದೆ.

ಮೃತ ಸಾಹಸಿಗ ಜೀತು ಸಿಂಗ್‌ ಎನ್ನುವವನಾಗಿದ್ದು ,ಬಾವಿಯಲ್ಲಿ 2 ಕಾರುಗಳು ಮತ್ತು ಇನ್ನೆರಡು ಬೈಕ್‌ ಸಾಹಸಿಗರೊಂದಿಗೆ ಕಸರತ್ತು ಪ್ರದರ್ಶಿಸುತ್ತಿದ್ದ. ಈ ವೇಳೆ ಅಚಾನಕ್‌ ಕಾರಿಗೆ ಢಿಕ್ಕಿಯಾಗಿ ಕೆಳ ಬಿದ್ದಿದ್ದು ಈ ವೇಳೆ ಕಾರು ತಲೆಗೆ ಅಪ್ಪಳಿಸಿ ದಾರುಣವಾಗಿ ಸ್ಥಲದಲ್ಲೇ ಸಾವನ್ನಪ್ಪಿದ್ದಾನೆ.