ಮಹಾನಗರ: ವಿದ್ಯಾರ್ಥಿಗಳು ಜನರನ್ನು ಮತ್ತು ಸಮಾಜ ವನ್ನು ಅರಿಯುವ ಗುಣವನ್ನು ಮೈಗೂಡಿಸಿ ಕೊಳ್ಳಬೇಕು ಎಂದು ಭಾರತ ವಿದ್ಯಾರ್ಥಿ ಫೆಡರೇಶನ್‌ನ ಕೇಂದ್ರ ಕಾರ್ಯಕಾರಿ ಸಮಿತಿ ಸದಸ್ಯ ನಿತೀಶ್‌ ನಾರಾಯಣನ್‌ ಅಭಿಪ್ರಾಯಪಟ್ಟರು.
ಶೈಕ್ಷಣಿಕ ಸಮಸ್ಯೆಗಳ ಪರಿಹಾರಕ್ಕಾಗಿ, ವಿದ್ಯಾರ್ಥಿಗಳ ಪ್ರಜಾಸತ್ತಾತ್ಮಕ ಹಕ್ಕುಗಳ ರಕ್ಷಣೆಗಾಗಿ ಮತ್ತು ವಿದ್ಯಾರ್ಥಿಗಳ ಏಕತೆ ಗಾಗಿ ನಡೆದ ಎಸ್‌ಎಫ್‌ಐನ ಜಿಲ್ಲಾ ಮಟ್ಟದ ಸಂಘಟನ ಕಾರ್ಯಾಗಾರದ ಸಮಾರೋಪದಲ್ಲಿ ಅವರು ಮಾತಾನಾಡಿದರು.
ಅಧ್ಯಕ್ಷತೆ ವಹಿಸಿ ಮಾತನಾಡಿದ ಮಾಧುರಿ ಬೋಳಾರ್‌, ಈ ಜಿಲ್ಲೆಯಲ್ಲಿ ವಿದ್ಯಾರ್ಥಿ ಏಕತೆ ಉಳಿಸುವ ನಿಟ್ಟಿನಲ್ಲಿ, ವಿದ್ಯಾರ್ಥಿಗಳ ಮೂಲಭೂತ ಹಕ್ಕುಗಳ ರಕ್ಷಣಿಗಾಗಿ ನಾವು ಹೋರಾಡಬೇಕು ಎಂದರು.
ಹಲವು ವರ್ಷಗಳಿಂದ ವಿದ್ಯಾರ್ಥಿ ಚಳವಳಿಯಲ್ಲಿ ಸಕ್ರಿಯರಾಗಿದ್ದ ಎಸ್‌ಎಫ್‌ ಐ ಮಾಜಿ ನಾಯಕರಾದ ಮಯೂರಿ ಬೋಳಾರ್‌, ಹಂಝ ಕಿನ್ಯಾ, ಹನುಮಂತ್‌ ಪಂಜಿಮೊಗರು ಮತ್ತು ಚರಣ್‌ ಶೆಟ್ಟಿ ಅವರನ್ನು ವಿದ್ಯಾರ್ಥಿ ಸಮಿತಿಯಿಂದ ಬಿಡುಗಡೆಗೊಳಿಸಲಾಯಿತು.
ಎಸ್‌ಎಫ್‌ಐನ ರಾಜ್ಯ ಕಾರ್ಯದರ್ಶಿ ಗುರುರಾಜ್‌ ದೇಸಾಯಿ, ಜಿಲ್ಲಾ ಕಾರ್ಯ ದರ್ಶಿ ವಿಕಾಸ್‌ ಕುತ್ತಾರ್‌, ಚರಣ್‌ ಶೆಟ್ಟಿ ಪಂಜಿಮೊಗರು ಉಪಸ್ಥಿತರಿದ್ದರು.
ನೂತನ ಜಿಲ್ಲಾ ಸಮಿತಿ
ಕಾರ್ಯಾ ಗಾರದಲ್ಲಿ ಎಸ್‌ಎಫ್‌ಐನ ನೂತನ ಸಮಿತಿ ಯನ್ನು ಆಯ್ಕೆ ಮಾಡಲಾಯಿತು. ಮಾಧುರಿ ಬೋಳಾರ್‌ (ಅಧ್ಯಕ್ಷೆ), ವಿಕಾಸ್‌ ಕುತ್ತಾರ್‌ (ಕಾರ್ಯದರ್ಶಿ), ಚಸ್ಮಿತಾ, ಶಮಾಝ್, ಸಿನಾನ್‌ ಬೆಂಗ್ರೆ (ಉಪಾಧ್ಯಕ್ಷರು), ಸಂಜಯ್‌ ಬಜಾಲ್‌, ಸಾಗರ್‌ (ಜತೆ ಕಾರ್ಯದರ್ಶಿಗಳು) ಆಯ್ಕೆಯಾದರು. ಒಟ್ಟು 23 ಸದಸ್ಯರ ನೂತನ ಸಮಿತಿಯನ್ನು ರಚಿಸಲಾಯಿತು.
