ಐಐಟಿ ಖರಗ್‌ಪುರ ಎಂಟೆಕ್‌ ವಿದ್ಯಾರ್ಥಿ ನೇಣು ಬಿಗಿದು ಆತ್ಮಹತ್ಯೆ

ಮಿಡ್ನಾಪುರ, ಪಶ್ಚಿಮ ಬಂಗಾಲ : 24ರ ಹರೆಯದ ಐಐಟಿ ಖರಗ್‌ಪುರ ಎಂಟೆಕ್‌ ವಿದ್ಯಾರ್ಥಿ ತನ್ನ ಹಾಸ್ಟೆಲ್‌ ಕೋಣೆಯಲ್ಲಿ ಸೀಲಿಂಗ್‌ ಫ್ಯಾನಿಗೆ ನೇಣು ಹಾಕಿಕೊಂಡು ಮೃತಪಟ್ಟಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ.

ಮೃತ ಜಿ ಅಮಿನಿ ರೆಡ್ಡಿ ಆಂಧ್ರಪ್ರದೇಶದ ರೈತ ಕುಟುಂಬದವನಾಗಿದ್ದಾನೆ. ಈತನೊಂದಿಗೆ ಹಾಸ್ಟೆಲ್‌ ಕೋಣೆಯನ್ನು ಹಂಚಿಕೊಂಡಿದ್ದ ಇನ್ನೋರ್ವ ವಿದ್ಯಾರ್ಥಿ, ತನ್ನ ಸಹಪಾಠಿ ಎಲ್ಲಿಯೂ ಕಾಣುತ್ತಿಲ್ಲ ಎಂದು ಹೇಳಿಕೊಂಡಾಗ ಕೋಣೆಯ ಬಾಗಿಲು ಒಡೆದು ಒಳಪ್ರವೇಶಿಸಿದ ಅಧಿಕಾರಿಗಳಿಗೆ ಅಲ್ಲಿ ರೆಡ್ಡಿ ಶವವಾಗಿ ಸೀಲಿಂಗ್‌ ಫ್ಯಾನಿಗೆ ನೇತು ಬಿದ್ದಿರುವುದು ಕಂಡು ಬಂತು.

ಪೊಲೀಸರು ಕೇಸು ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ. ಅಮಿನಿ ರೆಡ್ಡಿ ಯಾವುದೇ ಡೆತ್‌ ನೋಟ್‌ ಬರೆದಿಟ್ಟಿಲ್ಲ ಎಂದು ಗೊತ್ತಾಗಿದೆ. ಹಾಗಾಗಿ ಆತ್ಮಹತ್ಯೆಯ ಕಾರಣವೇನೆಂಬುದು ಇನ್ನು ತನಿಖೆಯಿಂದಷ್ಟೇ ಗೊತ್ತಾಗಬೇಕಿದೆ.