ಅಸ್ಸಾಂ ತೈಲ-ಅನಿಲ ಕ್ಷೇತ್ರದಲ್ಲಿ 6 ತಿಂಗಳು ಮುಷ್ಕರಕ್ಕೆ ನಿಷೇಧ

ಗುವಾಹಟಿ : ಅಸ್ಸಾಂ ಸರಕಾರ ತೈಲ ಮತ್ತು ಅನಿಲ ಕ್ಷೇತ್ರದಲ್ಲಿ ನೌಕರರ ಮುಷ್ಕರವನ್ನು 1980ರ ಅಸ್ಸಾಂ ಆವಶ್ಯಕ ಸೇವಾ ನಿರ್ವಹಣೆ ಕಾಯಿದೆಯಡಿ  ಆರು ತಿಂಗಳ ಅವಧಿಗೆ ನಿಷೇಧಿಸಿದೆ. 

ಈ ಬಗ್ಗೆ ಕಳೆದ ಮಾರ್ಚ್‌ 13ರಂದು ಅಧಿಸೂಚನೆಯನ್ನು ಹೊರಡಿಸಲಾಗಿದೆ. ಅದರ ಪ್ರಕಾರ ತೈಲ ಮತ್ತು ಅನಿಲ ಕ್ಷೇತ್ರಲ್ಲಿ ದುಡಿಯುವ ಅಧಿಕಾರಿಗಳು, ಕಾರ್ಮಿಕರು, ಗುತ್ತಿಗೆ ನೌಕರರು, ಟ್ಯಾಂಕರ್‌ ಚಾಲಕರು, ಖಲಾಸಿಗಳು ಆರು ತಿಂಗಳ ಅವಧಿಗೆ ಯಾವುದೇ ರೀತಿಯ ಮುಷ್ಕರ, ಬಂದ್‌ ಇತ್ಯಾದಿಗಳನ್ನು ಮಾಡುವಂತಿಲ್ಲ.