Stray dog;ಒಂದು ಗಂಟೆಯೊಳಗೆ 17 ಜನರಿಗೆ ಕಚ್ಚಿದ ನಾಯಿ: ವಿಡಿಯೋ ವೈರಲ್

ಗೋರಖ್ ಪುರ: ಉತ್ತರಪ್ರದೇಶದ ಗೋರಖ್ ಪುರದಲ್ಲಿ ಬೀದಿನಾಯಿಯೊಂದು ಸಿಕ್ಕ ಸಿಕ್ಕವರಿಗೆ ಕಚ್ಚಿ ಭೀತಿ ಮೂಡಿಸಿದೆ. ಒಂದು ಗಂಟೆಯೊಳಗೆ ಬರೋಬ್ಬರಿ 17 ಮಂದಿಗೆ ಕಚ್ಚಿ ಅಟ್ಟಹಾಸ ಮೆರೆದಿದೆ.

ಆಗಸ್ಟ್ 14 ರಂದು ಘಟನೆ ನಡೆದಿದ್ದು 22 ವರ್ಷದ ಆಶಿಶ್ ಯಾದವ್ ಎಂಬಾತ ನಾಯಿಯಿಂದ ಕಚ್ಚಿಸಿಕೊಂಡ 17 ನೇ ವ್ಯಕ್ತಿಯಾಗಿದ್ದಾನೆ. . ಆಶಿಶ್ ತನ್ನ ಮನೆಯ ಹೊರಗೆ ಮೊಬೈಲ್ ನಲ್ಲಿ ಮಾತನಾಡುತ್ತಾ ಆರಾಮವಾಗಿ ನಡೆದುಕೊಂಡು ಹೋಗುತ್ತಿದ್ದಾಗ ಬೀದಿ ನಾಯಿ ದಾಳಿ ಏಕಾಏಕಿ ಆಘಾತಕ್ಕೀಡು ಮಾಡಿದೆ. ಮುಖದ ಮೇಲೂ ಹಾರಿ ಕಚ್ಚಿದ ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ಆಸ್ಪತ್ರೆಗೆ ಹೋದಾಗ ಜಿಲ್ಲಾ ಆಸ್ಪತ್ರೆಯಲ್ಲಿ ರೇಬಿಸ್ ಲಸಿಕೆ ಇಲ್ಲ ಎಂದಿದ್ದಾರೆ ಎಂದು ಯುವಕನ ತಂದೆ ವಿಜಯ್ ಯಾದವ್ ಮಾಧ್ಯಮಗಳಿಗೆ ಹೇಳಿಕೆ ನೀಡಿದ್ದಾರೆ.