1000 ಕೆಜಿ ಸ್ಪೋಟಕ ಸಾಗಾಟ ಪತ್ತೆ: ಇಬ್ಬರ ಬಂಧನ

ಕೋಲ್ಕತ್ತಾ: ಒಡಿಶಾದಿಂದ ಕೋಲ್ಕತ್ತಾಗೆ ಮೆಟಾಡೋರ್ ವಾಹನದಲ್ಲಿ 1000 ಕೆಜಿ ಸ್ಪೋಟಕವನ್ನು ಸಾಗಿಸುತ್ತಿದ್ದ ಇಬ್ಬರನ್ನು ವಿಶೇಷ ತನಿಖಾ ದಳದ ಪೊಲೀಸರು ಶನಿವಾರ ಉತ್ತರ 24 ಪರಗಣ ಎಂಬಲ್ಲಿ ಬಂಧಿಸಿದ್ದಾರೆ. 

ಬಂಧಿತ ಆರೋಪಿಗಳನ್ನು ಇಂದ್ರಜಿತ್ ಭುಯಿ (25) ಮತ್ತು ಪದ್ಮಲೋಚನ್ ಡೇ(31) ಎಂದು ಗುರುತಿಸಲಾಗಿದೆ. 

ಖಚಿತ ಮಾಹಿತಿ ಪಡೆದ ವಿಶೇಷ ತನಿಖಾ ದಳ ಅಧಿಕಾರಿಗಳು, ಕೋಲ್ಕತ್ತಾದ ಉತ್ತರ 24 ಪಾರ್ಗಾನ್ ಜಿಲ್ಲೆಯಲ್ಲಿ ಮೆಟಡೋರ್ ವಾಹನವನ್ನು ತಡೆದಿದ್ದಾರೆ. ಅದರಲ್ಲಿ 27 ಗೋಣಿ ಚೀಲಗಳಲ್ಲಿ ಸುಮಾರು 1000 ಕೆಜಿ ಪೊಟ್ಯಾಶಿಯಂ ನೈಟ್ರೇಟ್ ಸ್ಪೋಟಕಗಳನ್ನು ಸಾಗಿಸಲಾಗುತ್ತಿತ್ತು. 

ಬಂಧಿತರನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಲಾಗಿದೆ. ಕೋಲ್ಕತ್ತಾದ ಚಿತ್ಪುರ್ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ನಡೆದಿದೆ.